Jems 5:15 - Aria New Testament

¹⁵ Deka langka osep tonari aitno lisak dagar ke Ida Tapolngon e tiwai itau ke iye Ida Tapolngon ma lua gute ka paia ma iye polou itau blang. E langka oglou gute tonari due elio epmes ina Ida Tapolngon ma klok ila elio epmes ina la.

Jems 5:15 Iomraidhean Croise

Matyu 17:20

E Yesus wai ke isak langane. “Umakaranga umasapir iye kovok kesua aitno lumu ila dagar sasi boto vala. Ngawai lokono ke umu. Langka aitno lumu ila dagar daudeng langka mastet londo umakaranga umawai ke gigri ma iye songon omur kene e la ke omur silang e gigri ma la. E ma umakaranga umodue elio keniye ka umawaiki umodue.

Jon 5:14

Mase Yesus vati gute tonari ke omur ka lelei Ida Tapolngon ila ninu e wai ke iye langane. “Ompolou itau kodong e oku ane omdue elio epmes ina blang kovok lama elio soulu polou ke wom ka mole elio ka oglou polou ke wom.”

Jon 6:39

E gute ka pagei ngong ngame aitno langane. Ma gute kene ke osep ka iye kar isak ke ngong iye imina kovok. E ke oklou ka Ida Tapolngon wade osep ka pula keniye urok elio ine ma ngadue osep ka iye kar isak ke ngong titito e tidong blang.

1 Korin 1:21

Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

2 Korin 4:14

E silang blang imeile kodong langane. Ida Tapolngon due Ida Puda Yesus poga tito ke ina denga e ma iye due imi imopoga imetito ke ida denga kap iye. Deka imi kap umu itodong ke bitna.

Jems 1:6

E gute ka waiki due ilengen aitno dagar ma Ida Tapolngon kar iye ilengen e aitno orwo ine sakam. Kesua gute ka aitno orwo iye langka misuon ina boitini ka engen ipue nokul nokul.

Jems 5:13

Langka elio polou ka opru gute gesa ma iye wai itau ke Ida Tapolngon ma lua iye ine. Langka gute gesa aitno neser ma iye due sakul ka kakai Ida Tapolngon angaine tito la egim.

Jems 5:16

E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.

Jems 5:20

Gute ka lua iye iding due elio itau. Gute ka lua gute silang ma iye bauluk aitno ke ila elio epmes ina ma due gute tonari dong itau ke Ida Tapolngon bitna. E iye ma mete kovok e ma Ida Tapolngon klok ila elio epmes ina la.