Jems 5:14 - Aria New Testament

¹⁴ Langka gute gesa dong airavu ke umu ka paia ma iye gi osep ka tiplau sios. E osep elda ma time e tiwai itau ke Ida Tapolngon ine e tisak wel ke tarna ma lua iye blang.

Jems 5:14 Iomraidhean Croise

Mak 16:18

Langka tikis mota ka orsak olune soulu ka due osep timete ma timete kovok batne ke ngong. Langka tinim aki soulu ka due osep timete ma timete kovok. Aurou. Ma tidong vala batne ke ngong. Ma limsak tiduru timunu ke osep ka tipaia deka ma osep tonari inarak paiangan yagos batne ke ngong.”

Mak 6:13

E tisapir angelo soulu ka tidong ke osep pula. E tisak wel ke osep pula ka tipaia deka tilua isak ke inarak paiangan.

Aposel 11:30

Deka tipaur urok mani ke Barnabas orwo Sol. Deka isak orwo tipaure la ke osep plaungan ina ka aitno lisak dagar ke Yesus ka tidong ke omur Judia.

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

Aposel 15:4

Pol orwo Barnabas tipolou ke Jerusalem deka Ida Tapolngon ila osep e osep aposel e osep ka tiplau Ida Tapolngon ila osep ke armok ari aitno lisak itau ke isak orwo e tikere isak itau. Deka tipalongo osep ke urok bokongon ka Ida Tapolngon lua isak ine.

Aposel 28:8

Ari Publius timla paia e munu ke ila bota kesua tarna engil e iye bres marau. Deka Pol la polou ke iye e wai itau ke Ida Tapolngon ma iye lua gute tonari. E Pol limla duru kai iye deka ina paiangan yagos e iye polou itau blang.

Aposel 9:40

Deka Pita wai ke isak langane. “Umala ke dogur.” Deka tisongon eliang tonari. Pita dau dong ine kap Dorkas pampamu ine deka iye grum kamla e manik duru e wai itau ke Ida Tapolngon. Deka bitna la ke apmang ka mete kodong e iye wai langane. “Tabita emtipa.” Deka Tabita bitna pal e iye vati Pita deka tipa e dong.

Taitus 1:5

Oglou alo ka itodong ke aidunu Krit itababrum udo boko-ngon kovok. Deka ngasongon wom omdong ke Krit ma ambabrum bokongon ka dau dong. Ngawaiki emrere osep leklou ma tiplau Yesus ila osep ke armok armok ka tidong ine langka oglou ngawai ke wom ine.