Jems 4:8 - Aria New Testament

⁸ Umala olwo boto ke Ida Tapolngon e ma iye polou olwo boto ke umu. Umu ka umodue elio epmes ina umosongon lumu elio epmes ina langka gute ka grong limla. E umu ka aitno lumu orwo ke Ida Tapolngon aitno lumu mter ke elio itau vala.

Jems 4:8 Iomraidhean Croise

Matyu 12:33

“Akai otna ka itau polou ke akai ka itau vala e akai otna ka sasi polou ke akai ka sasi vala. Langka umavati otna ka polou ke akai umakaranga umeile akai ari itau koke sasi.

Matyu 15:2

“Ina lange lem disaipel tidar udo seia urok apu? Kesua alo ka tingen bret tigrong limsak ke elio ka didi udo seia urok apu mgo kovok.”

Matyu 27:24

Alo ka Pailat ile tiklingen ila pelengon kovok e isuk boto evlei omba polou iye due aki e ris limla ke amtarsak e wai ke isak langane. “Gute ane ina metengen batne dong ke ngong kovok. Ane lumu wan vala.”

Aposel 15:9

Elio tonari nis ite Ida Tapolngon aitno kene ke osep ka pula keniye ka aitno lisak dagar ke Yesus. Ari aitno lisak la dagar ke Yesus deka Ida Tapolngon sak urok elio epmes ina.

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

1 Timoti 2:8

Deka ngawaiki ma Ida Tapolngon ila osep ka tidong ke armok ka pula keniye ma tikar aitno lisak ke Ida Tapolngon lokono. E tidong itau lokono e ma tiwai itau ke Ida Tapolngon. E ngawaiki tisongon elio ka aitno lisak nevlik e amnga ke osep.

Hibru 10:22

E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

Hibru 7:19

E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.

Jems 1:8

Kesua aitno orwo e segesege e ila elio ulik ulik vala.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.

1 Jon 3:3

Osep keniye ka tipara ke alo ka Krais iding me ma tidong itau lokono vala e tidue elio epmes ina kovok langka Krais dong itau lokono e due elio epmes ina kovok.