Jems 4:1 - Aria New Testament

¹ E ngawaiki ngasruk aitno lumu langane. Wansua due aitno lumu engil pulu e due umu umokot pulu? Umodue elio langane kesua aitno lumu waiki due wan bitna bitna deka elio ane sruk aitno lumu.

Jems 4:1 Iomraidhean Croise

Matyu 15:19

Kesua elio ka tipolou ke gute aitno langane. Iye serim e pagam osep e due okwa e isu kap apmang e panako wan e yakyak e wai soulu ke osep.

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Pas ka Pol sogoe uti la ke osep Rom ina 7:23

Aitno lungong dagar ma ngadue elio itau vala e elio gesa dong ke pampamu lungong ka para pulu kap aitno lungong ma ngadue elio soulu vala. Deka aling pula elio tonari mole aitno lungong e ngadue elio soulu vala.

Pas ka Pol sogoe uti la ke osep Rom ina 7:5

Oglou elio oglou ina pagei pampamu lite e itodue elio epmes ina bitna bitna vala. Alo ari iteile ke Moses ila sogongon kodong. Iteile ila sogongon dangdang ite ke elio epmes ina bitna bitna. Iteile omur ke sogongon tonari e aitno lite dau dagar ke udo elio soulu bitna bitna. E itodue elio epmes ina pula. E udo elio isuk isuk ka pula keniye soulu ma itemete ine.

Pas ka Pol sogoe uti la ke osep Rom ina 8:7

E osep ka elio epmes ina plau isak vala isak Ida Tapolngon ina oul. Kesua tidar ila pelengon e tididi aitno lisak vala. Osep ka langane tidar ila pelengon vala e tikaranga tididie kovok.

Galesia 5:17

Iteile aitno lite oglou ina waiki mole Ano Itau e Ano Itau waiki mole aitno lite oglou ina. Isak orwo tipara pulu e wan ka umawaiki umodue umakaranga umodue kovok.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

2 Timoti 2:23

Langka osep orsak mluk pulu ke pelengon ka adai vala deka omdong mawa ke isak. Kesua emile pelengon ka langane due osep aitno lisak nevlik deka tiwai engil pulu.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

Taitus 3:9

E ompul dogur ke elio ka umotuk opmu pulu. E ke basikngen bitna bitna ka la ke osep urok seia angainsak. E ke elio ka umotuk opmu pulu ke Moses ila sogongon lana ine. Kesua pelengon langane manga manga e pelengon adai vala e karanga lua ite ma itedidi elio itau kovok.

Jems 1:14

E aitno lite oglou ina tok ite kente kente ma itodue elio soulu.

Jems 4:3

E alo ka umepmi Ida Tapolngon ke wan gesa umodue kovok. E umodue kovok kesua aitno lumu mter soulu e umawaiki umodue wan ka due pampamu lumu itau vala.

1 Pita 1:14

Umu Ida Tapolngon titno deka ma umeini ila pelengon vala. Oglou aitno lumu kaka e umedidi elio bitna bitna ka taklak ane ina e eknikane umedidi elio tonari sakam.

1 Pita 2:11

Sipmi ka ngong lana ngong ke umu. Umodong ke taklak ane langka osep kaulei e langka osep ka tilila ke omur omur deka ngawai dagar ke umu ma umopul dogur ke elio soulu ka pampamu lumu waiki umodue. Kesua aling aling elio soulu waiki mole umu.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.