Jems 3:6 - Aria New Testament

⁶ E oda langka eiou. Isak ongwa ine palma kene ke pampamu lite e dau tidue elio soulu bitna bitna polou. Langka oda wai soulu deka pampamu lite palma keniye tipolou soulu. Kesua elio soulu ka oda due langka eiou ka res polou omba e eiou tonari ina poloungon batne ke omur hel.

Jems 3:6 Iomraidhean Croise

Matyu 12:24

E alo ka osep Farisi ina tiklingen pelengon tonari tiwai langane. “Iye sapir angelo soulu ke Belsebul ka plau angelo soulu ila arit.”

Matyu 5:22

E eknikane ngawai ke umu langane. Langka gute aitno engil ke ila aten ma iye vri ke kot bitna. E langka gute wai pelengon soulu ke ila aten iye ma vri ke kaunsil bitna. E langka gute wai ke ila aten iye manga manga ma iye la ke omur hel ka eiou dong ine.

Mak 7:15

Ngangon bitna bitna ka dong e gute gesa ngene ma tipaiavu iye ma iye polou mali kovok. E elio bitna bitna ka inarak poloungon batne ke osep aitno lisak ma tipaiavu osep e ma due isak ma tidong langka wan ka mali vala.”

Luk 16:24

Deka iye gi langane. ‘Livou Abraham aitno lugom due ngong e ampagei Lasarus me ma iye due limla titno sep ke aki e kai ogu blene ine ma epen. Kesua ngananami doro lokono ke eiou ane.’

Aposel 20:30

­E silang blang langane. Mase ma supmu leklou tipolou ka tibuli urok pelengon kap Ida Tapolngon ila pelengon e ma tikar pelengon yakngan ke umu. Kesua tiwaiki osep ka aitno lisak dagar ke Yesus tididi urok pelengon vala.

Aposel 5:3

Deka Pita wai langane. “Ananaias ina lange Satan due aitno lugom deka amwaiki amyak Ano Itau ke mani ane? Ina lange omtuk taklak ina mani leklou deka embisi ine?

Aposel 6:13

Deka tidue osep leklou ka isak osep yakngan ina e tiyakyak e tisin elio vri ke Stiven. Tiwai langane. “Oklou aling aling gute ane wai soulu ke Ida Tapolngon ila ninu e ke Moses ila sogongon blang.

Taitus 1:11

Osep are tiparere osep kesua tiwaiki urok mani polou omba ine. E langka tiparere langane tidue elio soulu e tidue agegeng ke osep kap urok osua aitno lisak ila dagar. Deka amdangdang isak ma tiwai pelengon langane kovok.

Jems 2:7

E osep ka urok mani pula tiwai soulu ke Krais angaine. E ite Krais ila osep.

Jems 3:7

Ongwa pula tidong langka ongwa kevena bitna bitna e monuk bitna bitna e mota bitna bitna e lodu bitna bitna. E itosep itakaranga itodue isak tipolou aim.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.

3 Jon 1:10

Deka mase langka ngapolou ke umu ma ngawai malak ke ila elio ka iye due. Iye wai adis ke imi ke pelengon soulu. E iye due elio soulu silang blang langane. Alo ka osep ke udo osua tipolou ke iye deka iye lua isak ma tidong ke ila ninu kovok. E iye dangdang osep leklou ka tiwaiki tidue osep tisep ke urok ninu. E iye sapir osep tonari ke sios.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 18:23

E silang blang ma lam bublo ke wom blang kovok. E osep arang e apmang ma tigi pulu deka tisandir ke wom blang kovok. Kesua ke oglou lem osep ka tidue burong urok arit omba ke taklak e ngap muso yak osep ka pula keniye ka tidong ke taklak.”

Pelengon kukwopngon 19:20

Tidue evlei deka gute tonari kap ila osep ola ina tikis ongwa kevena kene ina kap ila gute napaprangan yakngan ina. Gute napaprangan yakngan ina tonari iye gute ka due elio arit ina pula ke ongwa kevena kene ina bitna. E ke elio ane iye yak osep ka pula keniye ka tidue nisngen ke ongwa kevena kene ina e ka tilotuim ila sapingen. Isak orwo dau tidong e timete kovok deka tidue isak e tiuri isak kla ke eiou ombatno ka engil lokono ka opmu salfa ka eiou ngene dong ine blang.