Jems 3:1 - Aria New Testament

¹ Sipmi. Ngawai ke umu lang-ane. Umu pula umopolou osep parerengen ina ma umaparere osep ke Ida Tapolngon ila pelengon kovok. Kesua mase alo ka Ida Tapolngon wade osep ka pula keniye urok elio ma iye vati imi osep parerengen ina limem elio e wade imi ine lokono.

Jems 3:1 Iomraidhean Croise

Matyu 10:24

E Yesus wai pelengon ano langane. “Osep disaipel urok elio mole urok parerengen ila elio kovok e osep ka isak wokboi nating urok elio mole inarak puda ila elio kovok.

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Matyu 9:11

E osep Farisi ina leklou tipmi Yesus ila disaipel langane. “Ina lange lumu gute parerengen ina ngen ngangon kap osep ka tidue takis e osep epmes ina?”

Luk 16:2

E gute gi ke ila gute bokongon ina ma iye me e pmi iye langane. ‘Lange ke elio ka osep tisin isak tivri ke wom? Omsogo pepa e ampalongo lou ke elio ka amplau lou wan. Kesua amkaranga omdong e amplau lou wan blang kovok.’

Luk 6:37

“Umawade osep leklou urok elio kovok deka Ida Tapolngon ma wade lumu elio kovok blang. Umomulu osep leklou kovok deka Ida Tapolngon ma mulu umu kovok blang. Umasak osep urok elio soulu ka tidue ke umu deka Ida Tapolngon ma sak lumu elio soulu blang.

Jon 3:10

Deka Yesus wai ke iye langane. “Wom gute parerengen ina ke osep Israel ina e dau emile lou pelengon lana ine kovok i?

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

2 Korin 5:10

Iteile mase ma ite kente kente itevri ke Krais bitna ma iye wade ite. Ma iye wade wan bitna bitna ka itodue ke taklak ane. Langka isak elio itau koke elio soulu.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

1 Timoti 1:7

E tiwaiki tiparere osep ke Ida Tapolngon ila pelengon ka Moses sogo ine e aitno lisak langka tiparere osep osuk. E isak tona tile lokono ke pelengon ka tinapapra ine batne kovok. E tile omur ke urok pelengon kovok.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

2 Timoti 1:11

Ida Tapolngon rere ngong ila aposel gesa ma nganapapra ila omon itau e ngaparere osep ine.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Jems 1:16

Sipmi. Ngong lana ngong ke umu. Deka umayak umu kenmu kenmu ke pelengon tonari kovok.

Jems 1:19

Sipmi. Aitno lumu mter ke pelengon ane. Langka osep tiwai ke wan deka paide ite kente kente iteklingen ine. E itosuong ma itokoli pelengon kovok. Itosuong ma aitno lite polou engil kovok.

Jems 3:10

Oda kakai Ida Tapolngon angaine tito la egim e iluk osep blang. Sipmi. Elio ane osuk kovok va.

1 Pita 5:3

Umodue elio ka opru osep ka Ida Tapolngon kar isak ke umu ma umaplau isak kovok. E umodue elio itau ma tivati umu e tiwaiki tikana lumu elio itau.