Jems 2:8 - Aria New Testament

⁸ E Ida Tapolngon ka vri mgo ke ite wai ila pelengon dagar langane. “Umu lana umu ke supmu langka lana umu ke umu kenmu kenmu.” Langka umodue langane umodue elio itau.

Jems 2:8 Iomraidhean Croise

Matyu 22:39

E pelengon orwo ina langka pelengon tonari. ‘Umu lana umu ke osep leklou langka umu lanu umu ke umu tona.’

Matyu 25:21

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 25:23

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Matyu 7:12

“Umodue elio itau ke osep langka umawaiki tidue elio itau ke umu. Elio tonari Moses ila sogongon e osep napaprangan ina urok sogongon lana ine.”

Pas ka Pol sogoe uti la ke osep Rom ina 13:10

Gute ka lana iye ke osep ka pula keniye ma due elio soulu ke gute gesa kovok. E langka gute lana iye ke osep ka pula keniye deka lokono iye didi Moses ila sogongon.

Galesia 5:14

Pelengon ka pula keniye ke Moses ila sogongon dong sep ke pelengon kene. Pelengon tonari langane. Umu lana umu ke supmu langka umu lana umu ke umu tona.

Galesia 6:2

E umolua supmu leklou ke elio ka polou ka opru ka isak. Langka umodue elio langane ma umeini e umedidi Krais ila elio.

Filipai 4:14

Ngadong itau e dau aitno lungong itau ke elio ka umolua ngong ke elio ka polou ka opru ngong.

1 Tesalonaika 4:9

Ngong ma ngasogo pelengon silang blang ke umu ke elio ka umu lana umu ke supmu kovok. Kesua Ida Tapolngon parere umu kodong ke elio ka umu lana umu pulu.

Jems 1:25

E gute ka klingen Ida Tapolngon ila pelengon dagar ka itau lokono deka meit ine e bitna uli ine kovok ma Ida Tapolngon kere iye itau ke ila elio isuk isuk ka iye due. Kesua pelengon dagar tonari karanga due ite itodong fri.

Jems 2:12

Oglou udo elio epmes ina pes ite deka Ida Tapolngon didi ila elio itau e lua ite ine. Mase ma Ida Tapolngon didi ila elio itau tonari e wade udo elio isuk isuk ine. Deka aitno lite mter itau ke pelengon ka itawai ine e elio ka itodue.

Jems 2:19

Umeile Ida Tapolngon iye kene vala e are itau. Angelo soulu blang tile langane deka tilim e tinakarkar ke iye e dau ilengen tonari lua isak kovok.

Jems 4:11

Sipmi. Umawai soulu ke Ida Tapolngon ila osep leklou kovok. Gute ka wai soulu ke ila aten koke wade ila aten iye wai soulu ke Moses ila sogongon e wade sogongon tonari blang. E langka amwade Moses ila sogongon ane langka emdidi sogongon tonari kovok e omdong ommgo e amwade sogongon tonari.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.