Jems 2:5 - Aria New Testament

⁵ Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

Jems 2:5 Iomraidhean Croise

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Matyu 5:3

“Osep ka urok wan ka aitno lisak ila dagar ina isuk boto vala aitno lisak itau itau kesua wan ka omur heven ka Ida Tapolngon plaue ma polou urok wan.

Mak 7:14

Deka Yesus gi ke osep pula ma time tipolou ke iye e wai ke isak langane. “Osep umu ka pula keniye umoklingen lou pelengon ane itau ma umeile omur lana ine.

Luk 12:21

E eriar langane ke osep ka tidue wan bitna bitna ke taklak e dau Ida Tapolngon ile isak langka urok wan ka itau lokono dong ke bitna kovok.”

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Luk 16:22

“Mase gute ka pang mani mete e Ida Tapolngon ila ensel tipaur iye la ma iye dong ke Abraham galna. Deka mase gute ka ila mani pula pula mete blang e osep tiyas iye.

Luk 16:25

E Abraham koli wai ke iye langane. ‘Erigu emtem sisir alo ka omdong ke taklak wan itau lokono polou ke wom e wan soulu polou ke Lasarus. E eknikane Lasarus aitno itau ane e amnamani wan soulu are.

Luk 22:29

Livou kar omur ka ma ngavri mgo ine ke ngong e eriar langane ngarere umu ma umodong langane.

Luk 6:20

Deka bitna la ke ila disaipel e iye wai ke isak langane. “Umu ka lumu wan isuk boto vala aitno lumu itau itau kesua mase ma wan ka omur heven ka Ida Tapolngon plaue polou lumu wan.

Jon 7:48

Aitno lumu lange? Gute kene ke imi osep kaunsil ina koke osep Farisi ina aitno limi la dagar ke gute are? Aurou.

Aposel 7:2

Deka Stiven koli wai langane. “Sipmi e silivou umo-klingen lou pelengon ane. Oglou ari udo apa Abraham dong ke omur Meso-potemia e ari iye dau la ke omur Haran kovok. Deka Ida Tapolngon ka ila arit omba polou ke iye.

Pas ka Pol sogoe uti la ke osep Rom ina 8:17

E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

1 Korin 2:9

Imawai ke pelengon ane ka Ida Tapolngon ila pelengon wai ine langane. “Wan ka oglou osep tivati kovok e tiklingen pelengon ine kovok e ka polou ke osep aitno lisak kovok isak wan itau lokono. Ida Tapolngon rere isak ke osep ka isak lana isak ke iye ma urok wan.”

2 Korin 4:15

Wan bitna bitna tonari tidong ma tilua umu ke lumu mosongon. E ke elio langane Ida Tapolngon ila makaingan kes lila ke osep pula ma tiwai tenkyu ke wan ka Ida Tapolngon kare ke isak e tikakai angaine tito la egim ine.

2 Korin 6:10

Aling pula aitno limi kro ke elio soulu ka polou ke imi e dau aling aling aitno limi neser. Imodong langka osep ka urok mani isuk boto vala e dau limem bokongon lua osep pula ma tidong itau. Limem wan bitna bitna ka taklak ina pula kovok e dau Ida Tapolngon lua imi ke ila kerengen ka itau.

2 Korin 8:9

E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

Efesus 1:18

Ngapmi Ida Tapolngon ma iye lua umu ma umeile omur ke pelengon lokono ka ila poloungon batne ke iye. Ma umeile omur ke wan bitna bitna keniye ka Ida Tapolngon waiki kere ila osep ine e itapara ine.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

1 Tesalonaika 2:12

Ma umodue elio itau ka Ida Tapolngon aitno itau ine. Iye rere umu ila osep e waiki umodong ke omur ka iye plaue e umavati ila arit e ila bublongon ka omba e umodong ine.

2 Tesalonaika 1:5

Ke wan ka polou ke umu Ida Tapolngon nis ite langane. Iye didi elio itau vala e wade osep ine e ila wadengen osuk vala. E aitno itau ke umu langka aitno itau ke osep ka iye rere isak ma tikaranga tisep ke ila omur. Ke batne langane umanamani wan soulu bitna bitna.

1 Timoti 6:18

Amwai dagar ke isak ma tidue elio bitna bitna ka itau ka lua osep leklou. Aling aling ma tidue tovro ke osep ka urok wan isuk boto vala.

2 Timoti 4:18

E Ida Puda ma lua ngong ke elio soulu ka osep tiwaiki tidue ke ngong. E mase ma iye paur ngong ke omur heven ka iye plaue. Ma itakakai Ida Puda angaine tito la egim dong vala dong.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Hibru 11:26

Aitno mter langane. Langka ngong mnak ngong batne aitno lungong la ke gute Krais ka Ida Tapolngon wai dagar ma iye pagei me deka elio ane mole brokngon ka pula keniye ka dong ke omur Isip. Moses aitno mter langane kesua aitno mter mase ma Ida Tapolngon kar ila kerengen ka itau lokono ke iye.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

Jems 1:16

Sipmi. Ngong lana ngong ke umu. Deka umayak umu kenmu kenmu ke pelengon tonari kovok.

Jems 1:19

Sipmi. Aitno lumu mter ke pelengon ane. Langka osep tiwai ke wan deka paide ite kente kente iteklingen ine. E itosuong ma itokoli pelengon kovok. Itosuong ma aitno lite polou engil kovok.

Jems 1:9

Langka udo aten kene ila wan isuk boto vala ma aitno neser ine. Kesua Ida Tapolngon vati iye langka gute ka angaine omba.

1 Pita 1:4

E itapara ke kerengen itau ka Ida Tapolngon due dong para ke ila osep. Kerengen tonari dong ke omur heven e karanga polou okus koke polou soulu koke polou yagos kovok. Aurou.

2 Pita 1:11

Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.

Pelengon kukwopngon 2:9

‘Ngaile elio ka polou ka opru umu. E ngaile umodong langka lumu wan isuk boto vala. E lokono lumu wan pula dong para ke umu ke omur heven. E ngaile pelengon soulu ka osep leklou tiwai ine ke umu. Osep tonari tiwai langane. “Imi osep Yuda ina.” E isak osep Yuda ina kovok. Aurou. Isak Satan ila osua vala.

Pelengon kukwopngon 21:7

Langka osep timole elio soulu ma ngakar wan bitna bitna tonari ke isak e ma ngadong Inarak Tapolngon deka ma tidong langka dirgu isak.”

Pelengon kukwopngon 3:18

Deka ngawaiki ngakar pelengon ane ke umu. Lou gol ka eiou ngene ma wan sasi dong ine kovok dong. Are itau ma umekli gol tonari ke ngong deka lumu mani pula dong. E are itau ma umekli klos okou ka kading tarna lumu. Deka osep ma tikaranga tivati umu albus umu kovok e umu mnak umu ine kovok. E itau ma umekli marasin ka umodue sep ke omtomu ma umakaranga umavati omur itau.