Jems 2:25 - Aria New Testament

²⁵ E elio langane blang ke Rahap ka iye apmang ekreng palma ina. Iye polou itau lokono ke Ida Tapolngon bitna kesua iye lua osep esim orwo e nis isak ke ekreng silang ma tikos ke armok.

Jems 2:25 Iomraidhean Croise

Matyu 1:5

E Salmon divir otno arang Boas. E Boas tna angaine Rahap. E Boas divir otno arang Obet. E Obet tna angaine Rut. E Obet divir otno arang Jesi.

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Aposel 17:7

E Jeson ane kere isak itau ke ila ninu. Isak keniye tipul dogur ke Sisar ila pelengon e tiwai gute silang ka angaine Yesus vri mgo ke isak vala.”

Hibru 11:31

Apmang Rahap ka iye apmang ekreng palma ina aitno dagar ke Ida Tapolngon. E iye lua osep esim ina orwo ka time ma tivati armok tonari. Deka iye mete kap osep armok ina ka tipli Ida Tapolngon kovok. Aurou.

Jems 2:18

Osep leklou ma tiwai lang-ane. “Gute kene aitno ila dagar la ke Ida Tapolngon e ngadue elio isuk isuk ka itau.” E ngawai ke osep orwo tonari langane. Langka gute ka wai aitno la dagar ke Tapolngon e due elio isuk isuk ka itau kovok lange ma iteile malak ke aitno ila dagar? E gute ka due elio isuk isuk ka itau batne aitno la dagar ke Ida Tapolngon deka iteile malak ke aitno ila dagar.

Jems 2:22

Aitno lumu mter itau. Abraham aitno dagar ke Ida Tapolngon e iye due elio itau blang. Deka ila elio ka iye due nepir ke aitno ila dagar.

Jems 2:24

Aitno lumu mter itau langane. Gute polou itau lokono ke Ida Tapolngon bitna batne ke elio isuk isuk ka iye due e batne ke aitno ila dagar vala kovok.