Jems 2:14 - Aria New Testament

¹⁴ Sipmi. Ngawai ke umu langane. Langka gute gesa wai aitno dagar ke Ida Tapolngon e dau iye wai vala e iye due elio isuk isuk ka didi aitno ila dagar kovok. Deka lange? Ma Ida Tapolngon lua gute tonari ke ila elio epmes ina? Aurou.

Jems 2:14 Iomraidhean Croise

Matyu 5:20

Ngawai lokono ke umu langane. Langka lumu elio itau ke Ida Tapolngon bitna e mole osep Farisi ina e osep ka tile itau ke Moses ila sogongon urok elio kovok ma umesep ke omur heven ka Ida Tapolngon plaue kovok.”

Luk 3:11

E Jon koli wai ke isak langane. “Gute ka ila molo orwo dong ma iye kar kene ke gute ka ila molo dong kovok e gute ka ina ngangon dong ma due langane blang.”

Luk 6:49

E gute ka klingen lou pelengon e didie kovok iye langka gute ka uri ila ninu ke taklak vala. E langka aki song e pes ninu ma ninu nobong e ina agegeng omba.”

Aposel 15:9

Elio tonari nis ite Ida Tapolngon aitno kene ke osep ka pula keniye ka aitno lisak dagar ke Yesus. Ari aitno lisak la dagar ke Yesus deka Ida Tapolngon sak urok elio epmes ina.

Aposel 8:13

Saimon aitno dagar ke Filip ila pelengon deka tipaunim iye blang. Tipaunim iye yagos deka iye lila kap Filip e vati elio arit ina bitna bitna ka Filip due e aitno mter pula ine.

Aposel 8:21

Eknikane emneklep ke imi e omdong ke limem bokongon ane kovok. Ida Tapolngon vati aitno lugom e ile aitno lugom dau orwo ke iye.

Pas ka Pol sogoe uti la ke osep Rom ina 2:25

Oglou Ida Tapolngon kar umu nisngen ka elio ulangngan ina. Langka umedidi Moses ila sogo-ngon itau ma lumu elio ulangngan ina nis osep umu Ida Tapolngon ila osep. E langka umadar Moses ila sogongon vala ma lumu elio ka ulangngan ina lua umu kovok. E ma umodong langka osep ka tididi elio ulangngan ina kovok.

1 Korin 15:2

Langka aitno lumu la dagar ke omon itau ka nganapapra ke umu deka ke omon itau tonari Ida Tapolngon lua umu ke lumu elio epmes ina. Lama aitno lumu orwo ine deka omon tonari karanga lua umu kovok.

1 Korin 16:22

Langka gute gesa lana iye ke Ida Puda kovok ma agegeng polou ke iye. E ngawaiki Ngau Puda suong me.

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

1 Timoti 1:5

E bokongon ka Ida Tapolngon wai ke ite ma itaparere osep ine ma due aitno lisak dagar lokono ke Yesus e tidong itau lokono ke Ida Tapolngon bitna. E ma tile langka urok elio ka itau e elio ka soulu e tidue elio itau vala. E elio ka langane ma sruk aitno lisak ma isak lana isak ke osep leklou.

1 Timoti 4:8

Emile langka itawaiki itodue pampamu lite ila arit polou dagar deka itanana aling aling. Elio langane ma lua ite sasi boto. E langka itanana ke Ida Tapolngon ila elio ane ma polou udo arit ka lua ite itau lokono. Ane ma lua ite ke udo mosongon ka oku ane ina e ke udo mosongon ka mase ma polou.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.

Hibru 11:17

Ke oglou Ida Tapolngon wai dagar ke Abraham langane. “Lem napakngan ma tipolou pula pula lokono batne ke etim arang Aisak.” Ida Tapolngon wai dagar ke Abraham langane e mase iye tok Abraham e wai ke iye langane. “Omdue elio opmu ina ke etim arang Aisak.” Abraham aitno dagar ke Ida Tapolngon e iye redi ma iye due elio opmu ina ke Aisak.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

Jems 1:16

Sipmi. Ngong lana ngong ke umu. Deka umayak umu kenmu kenmu ke pelengon tonari kovok.

Jems 2:16

Deka langka gute kene ke umu wai ke iye langane. “Amla aitno lugom epen e emtnei lem klos e emngen ngap ngangon.” Langka iye wai langane e lua gute tonari ke ila klos koke ina ngangon kovok deka ila pelengon karanga lua iye? Aurou.

Jems 2:18

Osep leklou ma tiwai lang-ane. “Gute kene aitno ila dagar la ke Ida Tapolngon e ngadue elio isuk isuk ka itau.” E ngawai ke osep orwo tonari langane. Langka gute ka wai aitno la dagar ke Tapolngon e due elio isuk isuk ka itau kovok lange ma iteile malak ke aitno ila dagar? E gute ka due elio isuk isuk ka itau batne aitno la dagar ke Ida Tapolngon deka iteile malak ke aitno ila dagar.

Jems 2:26

Iteile langka gute gesa ano la deka pampamu ine mete kodong. E langane ke gute ka wai aitno ila dagar la ke Ida Tapolngon e iye due elio isuk isuk ka didi aitno ila dagar kovok. Iye dong langka gute ka ano la e iye mete kodong.

2 Pita 1:5

Ida Tapolngon lua umu itau deka aitno lumu mter omba ine. Aitno lumu ila dagar la ke Ida Tapolngon kodong deka umodue elio isuk isuk ka itau vala. Umodue elio langane deka umu arit umu ma umodue ilengen itau ka la ke Ida Tapolngon.