Jems 2:1 - Aria New Testament

¹ Sipmi. Ngawai ke umu lang-ane. Aitno lite dagar ke Ida Puda Yesus Krais. Iye Ida Puda ka plau wan itau lokono ka omur heven ina. Deka itodue elio kene vala ke osep ka pula keniye. Itodue elio kene ke osep leklou e elio silang ke osep leklou blang kovok. Aurou.

Jems 2:1 Iomraidhean Croise

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Aposel 10:34

Pita klingen Kornilius ila pelengon deka wai langane. “Eknik-ane ngaile omur Ida Tapolngon aitno la ke osep ka pula keniye. Iye pul dogur ke osep leklou kovok.

Aposel 20:21

Nganapapra ke osep Yuda ina e ke osep ka isak osep Yuda ina kovok. Nganapapra langane. ‘Umabauluk aitno lumu ke lumu elio epmes ina deka aitno lumu la ke Ida Tapolngon e aitno lumu la dagar ke Ida Puda Yesus Krais.’

Aposel 24:24

Oklou leklou mela yagos deka Feliks gosok esna Drusila ka iye apmang Yuda ina gesa time e Feliks wai ke osep langane. “Umapaur Pol me ane.” Deka osep tidue Pol e tipaur iye la polou ke Feliks bitna. Pol polou ke Feliks bitna e palongo ila ke elio ka osep aitno lisak la dagar ke Krais Yesus.

Aposel 7:2

Deka Stiven koli wai langane. “Sipmi e silivou umo-klingen lou pelengon ane. Oglou ari udo apa Abraham dong ke omur Meso-potemia e ari iye dau la ke omur Haran kovok. Deka Ida Tapolngon ka ila arit omba polou ke iye.

Pas ka Pol sogoe uti la ke osep Rom ina 1:11

Ngawaiki ngapolou ke umu ma Ano Itau lua ngong ma ngalua umu ke luangan gesa. Ngawaiki ma luangan tonari lua umu e due aitno lumu dagar lokono ke Ida Tapolngon.

1 Korin 2:8

E pelengon tonari langka osep leklou ka tivri mgo ke ite ke taklak ane urok kovok. Aurou. Io langka tile omur ine ma tidue Ida Puda iye mana ke ina akai kovok. Iye Ida Puda ka ila arit e ila bublongon ombatno.

Kolosi 1:4

Kesua imorwo imeklingen pelengon ke umu langane. Ime-klingen aitno lumu la dagar ke Krais Yesus e umu lana umu ke Ida Tapolngon ila osep ka pula keniye.

1 Timoti 1:19

Ke elio langane aling aling ma omdong dagar e ma aitno lugom dagar lokono ke Yesus ma emile langane. Lem elio soulu gesa vri ke wom ke Ida Tapolngon bitna kovok. Osep leklou tile ke elio itau e dau tipul dogur ine. Mase aitno lisak ila dagar dong dagar kovok e isak langka sip ka la nabak sep ke asar.

1 Timoti 5:21

Deka Timoti. Ke Ida Tapolngon bitna e ke Krais Yesus bitna e ke Ida Tapolngon ila ensel amtarsak ngawai dagar ke wom langane. Ma omboko dagar ke wan ka ngawai ke wom ine. Ke wan ka pula keniye ka omdue ma omdue elio eriar ke osep ka pula keniye.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Jems 1:16

Sipmi. Ngong lana ngong ke umu. Deka umayak umu kenmu kenmu ke pelengon tonari kovok.

Jems 1:19

Sipmi. Aitno lumu mter ke pelengon ane. Langka osep tiwai ke wan deka paide ite kente kente iteklingen ine. E itosuong ma itokoli pelengon kovok. Itosuong ma aitno lite polou engil kovok.

Jems 2:3

Deka umodue elio itau ke gute ka tnei klos itau e umawai ma iye dong ke bota itau. E umawai ke gute ka ila wan isuk boto ma iye vri vala koke iye dong olwo boto ke kopmu.

Jems 2:9

E langka umodue elio kene ke osep leklou e umodue elio silang ke osep leklou blang deka umodue elio epmes ina. E umadar Ida Tapolngon ila pelengon dagar kodong.

Jems 3:17

E langka gute didi ilengen ka me ke omur heven ila elio langane. Aitno mter ke elio itau vala e aitno epen ke osep. E ila elio molil e iye klingen osep urok pelengon. E aitno due osep e iye due elio itau ke isak. Iye didi elio kene ke osep ka pula keniye e yakyak ine kovok.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

Pas ka Jut sogoe 1:16

Tingurngur e aitno lisak soulu ke wan bitna bitna ka polou ke isak. E tididi aitno lisak e tidue elio soulu. Tikakai isak tona angainsak e tiwai dikngen ke osep ma tidue wan bitna bitna ke isak.

Pelengon kukwopngon 14:12

Alo ka elio ane polou Ida Tapolngon waiki ila osep tidong dagar ine. E tini Ida Tapolngon ila pelengon dagar e aitno lisak la dagar ke Yesus e tididi iye.