Jems 1:6 - Aria New Testament

⁶ E gute ka waiki due ilengen aitno dagar ma Ida Tapolngon kar iye ilengen e aitno orwo ine sakam. Kesua gute ka aitno orwo iye langka misuon ina boitini ka engen ipue nokul nokul.

Jems 1:6 Iomraidhean Croise

Matyu 14:28

Deka Pita koli wai langane. “Ipem Puda langka wom are amwai ke ngong ma ngalila ke wom ke aki tona.”

Aposel 10:20

Emtito omduru amla ke osep eklu tonari amtarsak. Deka amla kap isak kesua ngapagei isak ke wom. Lokono emdidi lou pelengon e aitno lugom orwo ine sakam.”

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

1 Timoti 2:8

Deka ngawaiki ma Ida Tapolngon ila osep ka tidong ke armok ka pula keniye ma tikar aitno lisak ke Ida Tapolngon lokono. E tidong itau lokono e ma tiwai itau ke Ida Tapolngon. E ngawaiki tisongon elio ka aitno lisak nevlik e amnga ke osep.

Hibru 10:23

E itapalongo osep ke aitno lite ila dagar e ke wan itau lokono ka itapara ine. Deka itekis dagar ine e aitno lite orwo ine kovok. Kesua iteile Ida Tapolngon didi ila pelengon keniye ka iye wai ine kodong.

Hibru 11:6

E langka aitno lite dagar ke Ida Tapolngon kovok deka itakaranga itodue elio gesa ka Ida Tapolngon aitno itau ine kovok. Kesua gute ka waiki polou olwo boto ke Ida Tapolngon ma aitno dagar ke elio ka Ida Tapolngon dong e iye kar wan itau itau ke osep ka tikrim ke iye e tipado iye.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

Jems 1:7

Gute ka aitno orwo langare ma aitno mter iye ma due wan itau ke Ida Puda kovok. Aurou.

Jems 5:15

Deka langka osep tonari aitno lisak dagar ke Ida Tapolngon e tiwai itau ke iye Ida Tapolngon ma lua gute ka paia ma iye polou itau blang. E langka oglou gute tonari due elio epmes ina Ida Tapolngon ma klok ila elio epmes ina la.

2 Pita 2:17

Osep parerengen yakgan ina isak langka ovuk ka aki polou adai ke taklak ine ka aki dong ine kovok koke isak langka gaup ka engen dagar ipu isak kla. Ida Tapolngon rere omur ka aivoro lokono ke isak.