Jems 1:4 - Aria New Testament

⁴ E alo ka umodong dagar ke tokngon ma umopolou ngongle ke aitno lumu ila dagar. Deka umakaranga umodong itau ke elio ka pula keniye ka polou ke umu. E ma lumu wan bitna bitna ka karanga ke umu dong ke umu.

Jems 1:4 Iomraidhean Croise

Matyu 10:22

E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.

Matyu 19:20

E gute tonari ka iye dau auram koli wai langane. “Ngadidi pelengon dagar tonari keniye kodong. Ma ngadue wansua silang?”

Matyu 5:48

E umodue elio ka itau vala kesua Pmomu ka dong ke omur heven due elio ka itau vala.”

Mak 10:21

Yesus vati gute tonari e iye lana iye ke gute. Deka iye wai langane. “Wan kene dong ka dau pes wom. Amla omdue burong ke lem brokngon keniye. Deka amkar lem brokngon ina mani ke osep ka urok wan isuk boto vala. Omdue langane deka mase ma omdue wan itau lokono ka omur heven ina. E omo emdidi ngong.”

Luk 18:22

Yesus klingen ila pelengon deka wai ke iye langane. “Omdue elio kene vala dau kovok. Omdue burong ke lem wan keniye e amkar lem mani ke osep ka urok wan isuk boto vala e wan bitna bitna ka itau lokono ma dong para ke wom ke omur heven. Deka omo emdidi ngong.”

Luk 21:19

E langka umodong dagar ke aitno lumu ila dagar ma umodue lumu mosongon ka dong vala dong.”

Luk 8:15

E londo ka tiduru timunu ke taklak itau isak langka osep ka tiklingen omon itau e tikise dagar. E aitno lisak mter osuk e itau e tivri dagar e anino itau.”

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

1 Korin 2:6

Lokono. Osep ka tipolou dagar lokono ke Ida Tapolngon ila pelengon tile ilengen ke pelengon ka imanapapra ine. Ilengen ka tidue ka imanapapra ke isak ine ane langka ilengen ka taklak ane ina kovok. E ilengen ane gesa langka ilengen ka osep ka tivri mgo ke ite ke taklak urok ilengen kovok. Osep tonari ma timete deka isak yagos.

Galesia 6:9

Deka ite ma itodue elio itau e tarna lite meingen ine kovok. Langka itoboko engil deka alo ka ngangon anino ma itodue ngangon itau lokono.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

2 Timoti 3:17

Deka pelengon tonari lua ite ka Ida Tapolngon titno ite ma itevri dagar ke bokongon itau. Ma itakaranga itodue ila bokongon bitna bitna itau.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Jems 1:5

E dau langka gute gesa ke umu karanga ile itau ke wan kene kovok ma iye pmi Ida Tapolngon ine e Ida Tapolngon ma kar ilengen ke gute tonari. Aling aling Ida Tapolngon kar ilengen omba ke osep ka tipmi iye ine e aitno soulu ke pmingen tonari kovok.

Jems 3:2

Umeile ite ka pula keniye aling pula itodue elio soulu e langka gute wai pelengon soulu kovok iye gute ka itau lokono e karanga plau pampamu ine itau.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

2 Pita 1:9

E langka elio tonari dong ke gute kene kovok deka ane langka bitna evin e iye karanga vati itau kovok. E bitna uli ke elio ka Ida Tapolngon klok ila elio epmes ina ka oglou iye due kodong.