Jems 1:26 - Aria New Testament

²⁶ Osep leklou tiwai langane. “Ngadidi Ida Tapolngon aitno itau lokono e ngadue elio isuk isuk ka itau.” E dau langka iye plau ila pelengon ka iye wai ine kovok iye yak iye tona ke elio ka iye wai iye didi Ida Tapolngon. Deka elio ka iye wai iye didi Ida Tapolngon aitno iye elio adai vala.

Jems 1:26 Iomraidhean Croise

Matyu 15:9

Tilotuim ngong adai e tiparere osep ke urok pele-ngon langka iye lou pele-ngon dagar.’”

Mak 7:7

E tiwai langka tilotuim ngong e tidue elio langane adai. Tiparere osep ke lou pelengon lokono kovok. E tiparere osep ke pelengon ka ina poloungon batne ke osep aitno lisak vala.’”

Luk 8:18

Deka umeile umu itau ma umoklingen pelengon itau. Kesua gute ka wan dong ke iye ma iye due wan leklou e gute ka wan dong ke iye kovok Ida Tapolngon ma pi wan ka aitno vala mter dong ke iye.”

1 Korin 15:15

E langane. Langka Krais poga tito ke ina denga kovok imopolou langka osep ka tiwai yakngan ke wan ka Ida Tapolngon due. Kesua imawai malak Ida Tapolngon due Krais poga tito ke ina denga. E langka Ida Tapolngon karanga due osep ka timete kodong tipoga titito ke inarak denga kovok ane langka iye due Krais poga tito ke ina denga kovok.

1 Korin 15:2

Langka aitno lumu la dagar ke omon itau ka nganapapra ke umu deka ke omon itau tonari Ida Tapolngon lua umu ke lumu elio epmes ina. Lama aitno lumu orwo ine deka omon tonari karanga lua umu kovok.

1 Korin 3:18

Umeile umu itau lama uma-yak umu pulu. Lama gute gesa dong airavu ke umu e ila ilengen omba ke wan ka taklak ina e aitno mter langane. “Lou ilengen omba.” Io wan ka itau iye songon ilengen tonari e ma aitno kaka ine vala. Iye due langane ma iye ile itau ke ilengen ka omba lokono.

Galesia 2:6

Osep leklou tidong langka sios ina plaungan. E langka angainsak omba koke angainsak omba kovok are wan gesa kovok ke ngong. Ida Tapolngon aitno mter ke gute angaine kovok. E osep ka angainsak omba tidue pelengon gesa nepir ke lou pelengon kovok.

Galesia 2:9

Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Galesia 3:4

Ke oglou elio polou ka opru umu e umakalke adai vala? E aitno lungong langka umakalke adai kovok.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

Efesus 4:29

Umawai pelengon ka soulu kovok e umawai pelengon ka itau vala. Kesua pelengon ka itau ma lua osep ke urok mosongon e ma due aitno lisak itau e tile omur itau. Deka ma lumu pelengon lua osep ka tiklingen ine.

Efesus 5:4

Umabasik pulu ke elio soulu bitna bitna sakam. Umabasik pulu ulik ulik sakam. Umawai apok ke elio soulu bitna bitna sakam. E umu ka Yesus ila osep umodue elio langane. Umawai tenkyu ke Ida Tapolngon ke wan ka iye due. Kesua iye due elio itau lokono ke umu.

Kolosi 4:6

Alo ka umawai kap osep aling aling umawai ke pelengon ka itau vala ma aitno lisak itau ine. Alo ka umokoli osep urok pmingen umokoli ke pelengon lokono vala.

Jems 1:19

Sipmi. Aitno lumu mter ke pelengon ane. Langka osep tiwai ke wan deka paide ite kente kente iteklingen ine. E itosuong ma itokoli pelengon kovok. Itosuong ma aitno lite polou engil kovok.

Jems 1:22

Umoklingen Ida Tapolngon ila pelengon e umemeit ine. E umoklingen ine vala kovok. Kesua langka umoklingen ine vala umakaranga umayak umu ine.

Jems 2:20

Umu kaka deka aitno lumu mter ke elio itau kovok. Ma nganis umu langane. Gute ka wai aitno ila dagar la ke Ida Tapolngon e dau ila elio isuk isuk didi ila pelengon kovok ila pelengon tonari adai vala.

1 Pita 3:10

Ida Tapolngon ila pelengon wai langane. “Gute ka waiki dong itau e waiki elio itau polou ke iye ma iye wai soulu kovok e yakyak kovok.