Jems 1:25 - Aria New Testament

²⁵ E gute ka klingen Ida Tapolngon ila pelengon dagar ka itau lokono deka meit ine e bitna uli ine kovok ma Ida Tapolngon kere iye itau ke ila elio isuk isuk ka iye due. Kesua pelengon dagar tonari karanga due ite itodong fri.

Jems 1:25 Iomraidhean Croise

Luk 11:28

E Yesus koli wai langane. “Wan ka itau itawai osep ka tiklingen e tini Ida Tapolngon ila pelengon aitno lisak itau itau.”

Jon 13:17

Langka umeile omur ke lou pelengon tonari e umedidie ma Ida Tapolngon due aitno lumu itau itau.”

Jon 8:36

E langka Ida Tapolngon Otno Arang due umu umodong fri ma umodong fri lokono.

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Aposel 26:22

Oglou me iding ke eknikane Ida Tapolngon lua ngong e ngadong itau. Deka ngapolou ngavri ane ke umu ka angainmu omba e umu ka angainmu daudeng boto omtomu e ngapalongo lumu ine. Eknikane ngawai ke elio ka oglou kodong osep napaprangan ina e Moses tiwai ma polou.

Pas ka Pol sogoe uti la ke osep Rom ina 11:22

Aitno lumu mter ke Ida Tapolngon ila elio. Ida Tapolngon makai osep leklou e due agegeng ke osep leklou. Osep ka tisongon Ida Tapolngon ila elio e aitno lisak dagar ke iye kovok ma iye due agegeng ke isak. E iye makai umu e due elio itau ke umu langka aitno lumu dong dagar ke iye. Langka aurou ma iye tuktuk umu blang.

Pas ka Pol sogoe uti la ke osep Rom ina 2:13

Ida Tapolngon vati osep ka tididi Moses ila sogongon keniye tipolou itau e osuk ke bitna. E osep ka tiklingen ila pelengon e tididie kovok tipolou soulu.

Pas ka Pol sogoe uti la ke osep Rom ina 7:12

E Moses ila sogongon keniye itau lokono vala. E silang blang langane. Sogongon tonari osuk lokono e wai ke elio ka lua osep.

Pas ka Pol sogoe uti la ke osep Rom ina 8:15

Ida Tapolngon tuktuk Ano Itau ke ite kente kente ma lua ite. E Ano Itau dangdang ite ke elio ka itoulou tarna lite ke wan bitna bitna e ma elio tonari plau ite blang kovok. Ida Tapolngon tuktuk Ano Itau ke ite ma itopolou titno vala. Deka Ano Itau due ite ka titno aitno lite e itawai ke Ida Tapolngon langane. “Abo. Livou.”

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 13:5

Umawade umu itau ke aitno lumu ila dagar. Langka aitno lumu ila dagar dau dong dagar koke aurou. Umeneklep ke Yesus Krais kodong deka iye dong ke aitno lumu. Langka iye dong ke aitno lumu kovok umu ila osep kovok.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Galesia 5:1

Krais due ite itopolou osep ka itodong fri deka itodong moli ke Moses ila sogongon kovok. Aurou. Deka aling aling umevri dagar ine. Ma itosongon osep tidue ite ma itopolou wokboi nating blang kovok.

Galesia 6:2

E umolua supmu leklou ke elio ka polou ka opru ka isak. Langka umodue elio langane ma umeini e umedidi Krais ila elio.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

1 Timoti 2:15

E langane. Langka apmang aitno lisak dagar ke Krais aling aling e tikar aitno lisak ke iye ma tidong itau. E tididi elio itau langka isak lana isak ke osep leklou e tiplau isak itau. Deka ma Ida Tapolngon lua isak alo ka tidivir mimi.

1 Timoti 4:16

Ma amplau wom itau ke lem elio isuk isuk e ke lem bokongon ka amparere osep. Langka omdue langane Ida Tapolngon ma lua wom e iye ma lua osep ka tiklingen lem pelengon.

Hibru 12:15

Umeile umu itau lama umopul dogur ke Ida Tapolngon ila makaingan. E umeile umu itau lama gute gesa airavu ke umu polou langka wan ka meli e ila elio due elio soulu polou ke osep leklou e elio tonari due asmel ke osep pula.

Jems 2:12

Oglou udo elio epmes ina pes ite deka Ida Tapolngon didi ila elio itau e lua ite ine. Mase ma Ida Tapolngon didi ila elio itau tonari e wade udo elio isuk isuk ine. Deka aitno lite mter itau ke pelengon ka itawai ine e elio ka itodue.

1 Pita 2:16

Umodong fri e dau ngawaiki aitno lumu mter langane kovok. Itodong fri e itakaranga itodue elio soulu bitna bitna ka itawaiki itodue. Aurou. E ngawaiki umodong Ida Tapolngon ila wokboi nating.

1 Jon 2:24

Umekis dagar ke pelengon ka oglou umoklingen ine. Langka umodue langane ma umodong kap Pmada e Otno Arang blang.

Pelengon kukwopngon 14:13

Deka ngaklingen gute kre-ine wai ke omur heven langane. “Omsogo pelengon ane. ‘Eknikane e taim ka la ine osep ka timete kesua aitno lisak dagar ke Ida Puda ma aitno lisak dong itau itau.’” Deka ngaklingen Ano Itau wai blang langane. “Aitno lisak itau itau kesua tikaranga timtong ke elio bitna bitna ka opru isak. E elio itau ka tidue dong kap isak.”

Pelengon kukwopngon 22:14

Osep ka tigrong urok molo ka alang ma aitno lisak itau itau. Kesua tikaranga tidue wan otna ke akai ka mosongon ina e ma tikaranga tisep ke armok ke ina ekreng bitna.