Jems 1:22 - Aria New Testament

²² Umoklingen Ida Tapolngon ila pelengon e umemeit ine. E umoklingen ine vala kovok. Kesua langka umoklingen ine vala umakaranga umayak umu ine.

Jems 1:22 Iomraidhean Croise

Matyu 12:50

Gute gesa ka ini Livou ka dong ke omur heven iye ngau aiver koke luku koke nina.”

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Luk 11:28

E Yesus koli wai langane. “Wan ka itau itawai osep ka tiklingen e tini Ida Tapolngon ila pelengon aitno lisak itau itau.”

Jon 13:17

Langka umeile omur ke lou pelengon tonari e umedidie ma Ida Tapolngon due aitno lumu itau itau.”

Pas ka Pol sogoe uti la ke osep Rom ina 2:13

Ida Tapolngon vati osep ka tididi Moses ila sogongon keniye tipolou itau e osuk ke bitna. E osep ka tiklingen ila pelengon e tididie kovok tipolou soulu.

1 Korin 15:33

Umeile umu itau lama osep leklou tipagolgol aitno lumu. Umeile pelengon langane. Langka umodong kap osep soulu bitna ma tidue agegeng ke lumu elio itau.

1 Korin 3:18

Umeile umu itau lama uma-yak umu pulu. Lama gute gesa dong airavu ke umu e ila ilengen omba ke wan ka taklak ina e aitno mter langane. “Lou ilengen omba.” Io wan ka itau iye songon ilengen tonari e ma aitno kaka ine vala. Iye due langane ma iye ile itau ke ilengen ka omba lokono.

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

Galesia 6:7

Langka umayak umu tona e langka aitno lumu mter langka umakaranga umayak Ida Tapolngon are itau kovok. Umakaranga umayak Ida Tapolngon kovok. Ma ngawai pelengon ano langane. Umousak wansua londo ke lumu yage deka wan ka langare vala ma polou.

Filipai 4:8

Sipmi. Ngawaiki ngawai ke umu sasi boto blang deka lou pelengon yagos. Ngawaiki aitno lumu mter ke elio ka lokono vala e elio ka osep tidue anit ine e elio ka osuk ke osep amtarsak. E elio ka Ida Tapolngon aitno itau ine e elio ka due osep lana isak pulu e elio ka osep aitno lisak itau ine. Aitno lumu mter ke elio ka itau lokono e elio ka due osep aitno lisak itau ine.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

Jems 1:26

Osep leklou tiwai langane. “Ngadidi Ida Tapolngon aitno itau lokono e ngadue elio isuk isuk ka itau.” E dau langka iye plau ila pelengon ka iye wai ine kovok iye yak iye tona ke elio ka iye wai iye didi Ida Tapolngon. Deka elio ka iye wai iye didi Ida Tapolngon aitno iye elio adai vala.

Jems 4:11

Sipmi. Umawai soulu ke Ida Tapolngon ila osep leklou kovok. Gute ka wai soulu ke ila aten koke wade ila aten iye wai soulu ke Moses ila sogongon e wade sogongon tonari blang. E langka amwade Moses ila sogongon ane langka emdidi sogongon tonari kovok e omdong ommgo e amwade sogongon tonari.

Jems 4:17

Deka langane. Langka gute ile kodong ke elio itau ka ma iye due e dau iye due kovok iye due elio epmes ina.

2 Pita 2:13

Tidue elio soulu ke osep e Ida Tapolngon koli urok elio soulu ke isak. Aitno lisak mter itau ke elio langka tingen pula e tinim pula alo ka oklou bublo. E tingen kap umu e tidue umu mnak umu ine e tidue umu umopolou langka amum. E aitno lisak neser ke urok yakngan.

1 Jon 1:8

Langka itawai elio epmes ina dong ke ite kovok deka itayak ite tona e pelengon ka lokono dong ke ite kovok.

1 Jon 2:3

Langka iteini Ida Tapolngon ila pelengon dagar ka iye kare ke ite deka ma iteile omur langane. Iteile iye.

1 Jon 3:7

Lou mimi daudeng. Umaplau umu itau lama osep tiyak umu. Gute ka aling aling iye due elio ka itau e osuk vala dong itau e iye dong osuk ke Ida Tapolngon bitna eriar langka Krais dong itau e osuk.

3 Jon 1:11

Lou aten ka ngong lana ngong ke wom. Amkana elio soulu kovok. Aurou. Amkana elio itau vala. Kesua gute ka due elio itau vala iye Ida Tapolngon ila gute e gute ka due elio soulu iye ile Ida Tapolngon kovok.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 22:7

Deka umoklingen. Yesus wai langane. “Ma isuk boto ngame ke umu e osep ka tididi pelengon ane ka la ke elio ka mase ma polou aitno lisak itau itau.”