Jems 1:19 - Aria New Testament

¹⁹ Sipmi. Aitno lumu mter ke pelengon ane. Langka osep tiwai ke wan deka paide ite kente kente iteklingen ine. E itosuong ma itokoli pelengon kovok. Itosuong ma aitno lite polou engil kovok.

Jems 1:19 Iomraidhean Croise

Matyu 5:22

E eknikane ngawai ke umu langane. Langka gute aitno engil ke ila aten ma iye vri ke kot bitna. E langka gute wai pelengon soulu ke ila aten iye ma vri ke kaunsil bitna. E langka gute wai ke ila aten iye manga manga ma iye la ke omur hel ka eiou dong ine.

Mak 12:37

“Devit tona sir gute ka Ida Tapolngon rere Krais Ina Puda. Deka lange? Ina lange Devit wai gute ka Ida Tapolngon rere Krais iye ila napakngan gesa?” Ari Yesus wai langane deka osep ka pula ka tiklingen ila pelengon aitno lisak neser omba ine.

Mak 2:2

Deka osep pula time tiduni pulu ke ninu tonari e tisepe ma ninu bon e gute silang karanga sepe blang kovok. E osep pula tivri ke ninu ina ekreng bitna. Deka ari Yesus napapra Ida Tapolngon ila pelengon ke isak.

Luk 15:1

E osep ka tidue takis e osep epmes ina time ke Yesus ma tiklingen ila pelengon.

Luk 19:48

E tikaranga tidue langane kovok kesua osep ka pula keniye are tiwaiki tiklingen ila pelengon keniye.

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 10:33

Ngaklingen pelengon ka nga-palongo lem ine yagos deka lokono ngapagei osep tiuti ke wom ma tipaur wom omo ane ma omlua imi. Deka omdue elio itau ke imi e omo ane. E imodong ane ke Ida Tapolngon bitna kesua imawaiki imeklingen pelengon keniye ka Ida Puda palongo lem ine.”

Aposel 13:48

Osep ka isak osep Yuda ina kovok tiklingen Pol orwo Barnabas urok pelengon deka aitno lisak neser ine. Deka tiwai langane. “Ida Puda ila pelengon itau lokono.” Deka osep keniye ka Ida Tapolngon rere isak ila osep aitno lisak la dagar ine.

Aposel 17:11

Osep Yuda ina ka tidong ke Beria urok elio mole osep Yuda ina ka tidong ke Tesalonaika urok elio. Kesua tiklingen Ida Tapolngon ila pelengon deka tikis dagar lokono ine. Ari oklou aling aling tiklingen Pol orwo Sailas urok pelengon e tiwade kap Ida Tapolngon ila pelengon ma tile omur urok pelengon lokono koke aurou.

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Efesus 4:26

Langka aitno lumu engil ke gute gesa umeile umu itau lama umodue elio epmes ina blang. E umosongon aitno lumu dau dong engil ke iye alo ka oklou duru kovok.

Efesus 4:31

Umosongon elio ka amnga umu ke osep leklou. Umosongon elio ka aitno lumu nevlik amnga ke osep. Umosongon elio ka aitno lumu engil ke osep. Umosongon elio ka umawai omba e opmu tuk pulu kap osep e ke elio ka umoblou osep dogursak. Umosongon elio ka aitno lumu soulu ke osep. Umodue elio gesa ka soulu sakam.

Kolosi 3:15

Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.

Kolosi 3:8

E eknikane umosongon elio ka amnga umu ke osep e umosongon elio ka aitno lumu nevlik amnga ke osep e umosongon elio ka aitno lumu engil e soulu ke osep. E umosongon elio ka umawai soulu ke osep urok elio e umosongon elio ka umawai ke pelengon ka sasi.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

Jems 1:16

Sipmi. Ngong lana ngong ke umu. Deka umayak umu kenmu kenmu ke pelengon tonari kovok.

Jems 1:2

Lou saten ngawai ke umu langane. Alo ka tokngon bitna bitna polou ke umu aitno lumu neser ine.

Jems 1:26

Osep leklou tiwai langane. “Ngadidi Ida Tapolngon aitno itau lokono e ngadue elio isuk isuk ka itau.” E dau langka iye plau ila pelengon ka iye wai ine kovok iye yak iye tona ke elio ka iye wai iye didi Ida Tapolngon. Deka elio ka iye wai iye didi Ida Tapolngon aitno iye elio adai vala.

Jems 2:1

Sipmi. Ngawai ke umu lang-ane. Aitno lite dagar ke Ida Puda Yesus Krais. Iye Ida Puda ka plau wan itau lokono ka omur heven ina. Deka itodue elio kene vala ke osep ka pula keniye. Itodue elio kene ke osep leklou e elio silang ke osep leklou blang kovok. Aurou.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

Jems 3:10

Oda kakai Ida Tapolngon angaine tito la egim e iluk osep blang. Sipmi. Elio ane osuk kovok va.

Jems 4:11

Sipmi. Umawai soulu ke Ida Tapolngon ila osep leklou kovok. Gute ka wai soulu ke ila aten koke wade ila aten iye wai soulu ke Moses ila sogongon e wade sogongon tonari blang. E langka amwade Moses ila sogongon ane langka emdidi sogongon tonari kovok e omdong ommgo e amwade sogongon tonari.

Jems 5:12

Sipmi lou pelengon ane omba. Alo ka umawaiki osep tile umawai lokono deka umawai lumu pelengon lokono batne ke omur heven kovok. Koke umawai lumu pelengon lokono batne ke taklak ane koke batne ke wan silang blang kovok. Alo ka umawaiki umawai “ee” deka umawai “ee” vala. E alo ka umawaiki umawai “aurou” deka umawai “aurou” vala. Umodue langane e ma Ida Tapolngon mulu umu ine kovok.

Jems 5:19

Sipmi. Langka gute gesa airavu ke umu pul dogur ke Ida Tapolngon ila pelengon ka lokono e lila ulik ulik deka gute silang lua iye ma iye iding.

1 Jon 2:21

Ngasogo pelengon ane ke umu kovok kesua aitno lungong mter langka umeile pelengon ka lokono kovok. Aurou. Ngosogoe kesua umeile pelengon ka lokono kodong e umeile pelengon ka yakngan karanga polou ke pelengon ka lokono kovok.