Jems 1:18 - Aria New Testament

¹⁸ Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.

Jems 1:18 Iomraidhean Croise

Jon 1:13

Tipolou Ida Tapolngon titno batne ke elio ka sipmarak e titnarak tikaranga tidivir titorok koke elio ka aitno lisak waiki due langane koke elio ka osep leklou aitno lisak waiki due langane kovok. Aurou. Tipolou titno batne ke Ida Tapolngon aitno vala.

Pas ka Pol sogoe uti la ke osep Rom ina 4:17

Oglou Moses sogo Ida Tapolngon ila pelengon palma ka la ke Abraham. Iye sogo oglou Ida Tapolngon wai dagar ke Abraham langane. “Ma ngadue wom ompolou osep pula pula pmarak.” Ida Tapolngon ila promis pelengon lokono vala. Alo ari Abraham klingen ine e lokono aitno la dagar ke iye. Aitno dagar ke Ida Tapolngon ka karanga due osep ka timete kodong ma tipoga titito ke inarak denga. Aitno dagar ke Ida Tapolngon ka karanga wai deka wan ka oglou dong kovok ma polou.

1 Korin 4:15

Lama lumu plaungan pula pula tiplau umu kodong dau sipmomu pula ke Krais dong kovok. Aurou. Ke Krais Yesus ila elio ngong kenngong vala ngadong pmomu lokono. E umopolou langka dirgu alo ka nganapapra Ida Tapolngon ila omon itau ke umu.

2 Korin 6:7

Imanapapra pelengon ka lokono vala e imoboko ke Ida Tapolngon ila arit. Imodue elio isuk isuk ka itau e limem elio tonari langka ola e osua ka tilua osep alo ka tidue evlei kap inarak oul.

Efesus 1:12

E langane. Imi osua ka mgo ke osep ka aitno lisak dagar ke Krais. Deka imakakai Ida Tapolngon angaine tito la egim ine.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

2 Timoti 2:15

Omboko dagar ma Ida Tapolngon aitno itau ke lem bokongon. Ma amkaranga amwai osuk ke Ida Tapolngon ila pelengon ka lokono. E ma wom mnak wom ke lem bokongon kovok.

Hibru 12:23

E umopolou ke duningen ka ila osep aitno lisak neser ine. Osep tonari tidong langka Ida Tapolngon ina sirngen sirngen e angainsak dong ke Ida Tapolngon ila buk ka dong ke omur heven. E umopolou ke Ida Tapolngon ka wade osep ka pula keniye urok elio isuk isuk. E umopolou ke osep ka Ida Tapolngon due isak tipolou itau e osuk ke iye bitna kodong ansak.

Jems 1:15

Langka itawaiki itedidi aitno lite oglou ina e itodue elio soulu deka itodue elio epmes ina e elio epmes ina due metengen polou ke ite.

Jems 1:21

Deka umasapir wan bitna bitna ka soulu e elio keniye ka soulu ka polou ke umu. E umepes umu kenmu kenmu e umedidi Ida Tapolngon ila pelengon ka dong ke aitno lumu. Kesua pelengon tonari karanga lua umu ke lumu elio epmes ina.

Jems 3:14

E langka aitno lumu rim ke osep leklou e aitno lumu vri ke umu kenmu kenmu deka umakakai angainmu kovok. Kesua langka aitno lumu langane umayak umu tona e umedidi pelengon ka lokono kovok.

1 Pita 1:23

Umopolou osep oku ina langka mimi edimor batne ke Ida Tapolngon ila pelengon ka umoklingen ine. Ngawai pelengon ano langane. Langka osep tiser wit londo ke yage io londo tonari karanga polou okus. E Ida Tapolngon ila pelengon langka londo ka karanga polou okus kovok. Aurou. E mosongon dong ine e ina yagosngon kovok.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

1 Jon 3:9

Gute gesa ka Ida Tapolngon due polou ila gute due elio epmes ina aling aling kovok. Kesua Ida Tapolngon ila elio dong ke iye kodong e iye karanga due elio epmes ina aling aling kovok kesua iye Ida Tapolngon ila gute.

Pelengon kukwopngon 14:4

Ke oglou osep tonari tidue elio kap apmang kovok e tidong itau vala. E tididi Sipsip Otno ke omur omur ka iye waiki la ine. Isak osep ka Ida Tapolngon kli urok elio epmes ina alo ka tidong kap osep ke taklak. Deka isak langka osep mgongon ina ka me ke Ida Tapolngon e ke Sipsip Otno.