Jems 1:16 - Aria New Testament

¹⁶ Sipmi. Ngong lana ngong ke umu. Deka umayak umu kenmu kenmu ke pelengon tonari kovok.

Jems 1:16 Iomraidhean Croise

Matyu 22:29

E Yesus koli wai ke isak langane. “Umeile Ida Tapolngon ila pelengon kovok e umeile ila arit kovok e ke batne ane aitno lumu kaka ine.

Mak 12:24

Deka Yesus wai ke isak langane. “Umawai ulik ulik. Umeile Ida Tapolngon ila pelengon lana ine e ila arit kovok deka umawai ulik ulik ke elio tonari.

Mak 12:27

E langane. Ida Tapolngon ila pelengon tonari lana ine langane. Lumu seia tonari ka oglou timete isak dau tidong e iye Inarak Tapolngon. Kesua iye osep ka tidong Inarak Tapolngon e iye osep ka timete vala Inarak Tapolngon kovok. E umawai ulik ulik kesua aitno lumu ulik ulik.”

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

Galesia 6:7

Langka umayak umu tona e langka aitno lumu mter langka umakaranga umayak Ida Tapolngon are itau kovok. Umakaranga umayak Ida Tapolngon kovok. Ma ngawai pelengon ano langane. Umousak wansua londo ke lumu yage deka wan ka langare vala ma polou.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Filipai 4:1

Sipmi. Ngong lana ngong ke umu e ngawaiki ngavati umu kesua aitno lumu la dagar ke Yesus batne ke lou bokongon. Alo ka aitno lungong mter ke umu aitno lungong itau ke umu e aitno lungong neser ke umu. Sipmi. Ngawaiki umevri dagar ke Ida Puda vala.

Kolosi 2:4

Ngawaiki ma gute gesa karanga wai dikngen ke umu e yak umu kovok deka ngawai pelengon ane.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.

2 Timoti 2:18

Isak orwo tisongon pelengon ka lokono e tiwai langane. “Ante vala timete kap Krais deka tipoga kodong. E mase ma pampamu lite tibauluk titito e tidong blang kovok.” E urok pelengon tonari due pogle ke osep leklou aitno lisak ila dagar.

Hibru 13:1

Umu Ida Tapolngon ila osep deka aling aling umu lana umu pulu.

Jems 1:19

Sipmi. Aitno lumu mter ke pelengon ane. Langka osep tiwai ke wan deka paide ite kente kente iteklingen ine. E itosuong ma itokoli pelengon kovok. Itosuong ma aitno lite polou engil kovok.

Jems 1:2

Lou saten ngawai ke umu langane. Alo ka tokngon bitna bitna polou ke umu aitno lumu neser ine.

Jems 2:1

Sipmi. Ngawai ke umu lang-ane. Aitno lite dagar ke Ida Puda Yesus Krais. Iye Ida Puda ka plau wan itau lokono ka omur heven ina. Deka itodue elio kene vala ke osep ka pula keniye. Itodue elio kene ke osep leklou e elio silang ke osep leklou blang kovok. Aurou.

Jems 2:14

Sipmi. Ngawai ke umu langane. Langka gute gesa wai aitno dagar ke Ida Tapolngon e dau iye wai vala e iye due elio isuk isuk ka didi aitno ila dagar kovok. Deka lange? Ma Ida Tapolngon lua gute tonari ke ila elio epmes ina? Aurou.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

Jems 3:1

Sipmi. Ngawai ke umu lang-ane. Umu pula umopolou osep parerengen ina ma umaparere osep ke Ida Tapolngon ila pelengon kovok. Kesua mase alo ka Ida Tapolngon wade osep ka pula keniye urok elio ma iye vati imi osep parerengen ina limem elio e wade imi ine lokono.

Jems 3:10

Oda kakai Ida Tapolngon angaine tito la egim e iluk osep blang. Sipmi. Elio ane osuk kovok va.

Jems 4:11

Sipmi. Umawai soulu ke Ida Tapolngon ila osep leklou kovok. Gute ka wai soulu ke ila aten koke wade ila aten iye wai soulu ke Moses ila sogongon e wade sogongon tonari blang. E langka amwade Moses ila sogongon ane langka emdidi sogongon tonari kovok e omdong ommgo e amwade sogongon tonari.

Jems 5:12

Sipmi lou pelengon ane omba. Alo ka umawaiki osep tile umawai lokono deka umawai lumu pelengon lokono batne ke omur heven kovok. Koke umawai lumu pelengon lokono batne ke taklak ane koke batne ke wan silang blang kovok. Alo ka umawaiki umawai “ee” deka umawai “ee” vala. E alo ka umawaiki umawai “aurou” deka umawai “aurou” vala. Umodue langane e ma Ida Tapolngon mulu umu ine kovok.

Jems 5:19

Sipmi. Langka gute gesa airavu ke umu pul dogur ke Ida Tapolngon ila pelengon ka lokono e lila ulik ulik deka gute silang lua iye ma iye iding.