Jems 1:1 - Aria New Testament

¹ Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

Jems 1:1 Iomraidhean Croise

Matyu 10:3

E Filip e Bartolomyu e Tomas e Matyu ka oglou iye due takis ke osep. E Jems silang ka iye gute Alfius otno arang e Tadius.

Matyu 13:55

Gute ane gute kamda otno arang. E tna angaine Maria. E ina saiver angainsak Jems e Josep e Saimon e Judas.

Matyu 19:28

E Yesus wai ke isak langane. “Ngawai lokono ke umu. Mase Gute Ka Polou Langka Osep ma dong ke ila kova ka itau lokono alo ka Ida Tapolngon due wan ka pula keniye tipolou oku. E umu songotno orwo ka umedidi ngong ma umodong ke kova songotno orwo e umaplau osua songotno orwo ke osep Israel ina.

Mak 3:18

E Andru e Filip e Bartolomyu e Matyu e Tomas e Jems ka Alfius otno arang. E Tadius e Saimon ka iye gute Selot ina. E osep Selot ina tiwaiki kantri silang tiplau isak kovok.

Luk 22:30

Ke omur ka ngavri mgo ine ma umodong ke lou bota e umangen e umeinim kap ngong. E ma umodong ke kova kova langka osep ka tiplau omur omur e umawade osua songotno orwo ke osep Israel ina.”

Luk 6:15

E Matyu e Tomas e Jems silang ka gute Alfius otno arang e Saimon silang ka iye gute Selot ina. E osep Selot ina isak osep ka tiwaiki kantri silang plau isak kovok.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Jon 7:35

Deka osep kaunsil ina tiwai pulu langane. “Gute ane waiki la ke omur ge ma itakaranga itapado iye kovok? Ma iye la ke udo osua ka tidong ke omur Grik e parere osep Grik ina?

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.

Aposel 12:17

Pita kamudu isak ma tiwai kovok deka palongo urok ke elio ka Ida Puda lua iye ma iye songon kalabus. Deka Pita wai langane. “Umapalongo Jems gosok sudo ke elio ane blang.” Iye wai yagos deka songon ninu e la dong ke omur silang.

Aposel 15:13

Tiwai yagos deka Jems wai langane. “Sipmi. Umoklingen lou pelengon.

Aposel 15:21

Kesua oglou me iding ke eknikane osep leklou tidong ka tinapapra Moses ila sogongon ke armok pula pula. E sabat aling aling osep tiritim Moses ila sogongon ke urok duningen ina ninu ka tidong ke armok armok.”

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 2:5

Alo ari osep Yuda ina pula ka tiwaiki tilotuim Ida Tapolngon ka urok armok batne dong ke kantri pula tidong ke Jerusalem.

Aposel 21:18

Oklou silang imogosok Pol imala imavati Jems. Ari osep ka tiplau Ida Tapolngon ila osep tidong kap Jems blang.

Aposel 23:26

Ngong Klodius Lisias ngasogo pas ane uti ke wom gute namor Feliks ka omur ane ina plaungan.

Aposel 26:7

Oglou kodong imi osep Yuda ina limem osua songotno orwo aitno lisak dagar ke Ida Tapolngon ila promis. Langka oklou e epmes tilotuim Ida Tapolngon vala. Silang blang tipara ke alo ka Ida Tapolngon didi ila promis tonari. E gute ka vri mgo ngawai langane. Eknikane osep Yuda ina tisin elio vri ke ngong batne aitno lungong dagar langane blang.

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Galesia 1:19

Ke alo ari ngavati osep aposel gesa blang kovok. Ngavati Jems ka Ida Puda ina aiver vala.

Galesia 2:12

Alo ka Jems ila osua time dau kovok Pita ngen kap osep ka isak osep Yuda ina kovok. E alo ka osep tonari time deka Pita lim ke osep Kristen ka aitno lisak dau dagar ke elio ulangngan ina. Deka iye dong mawa ke osep ka isak osep Yuda ina kovok e dong kap isak kovok.

Galesia 2:9

Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Filipai 1:1

Ngong Pol imorwo Timoti imi Krais Yesus ila osep bokongon ina. E imosogo pas ane uti la ke umu ka Krais Yesus ila osep ka umodong ke armok Filipai kap osep plaungan ina e osep luangan ina ka tilua Ida Tapolngon ila osep.

2 Timoti 4:21

Wom arit wom ma omsuong ompolou ke ngong paide. Lama omdong e taim ka omur epen e engen omba polou e amkaranga omo kovok. Yubulus e Pudens e Linus e Klodia e Ida Tapolngon ila osep ka pula keniye leklou tiwai “oklou itau” ke wom.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.

Pelengon kukwopngon 7:4

E ngaklingen isak tisir osep inarak sasa ka tidue Ida Tapolngon ila nisngen dong ke bara lisak. E tidue nisngen ke osep 144,000 airavu ke osua songotno orwo ke osep Israel ina.