Filemon 1:22 - Aria New Testament

²² E lou pelengon silang blang langane. Aling aling umawai itau ke Ida Tapolngon ke ngong kodong e ke batne langane aitno lungong mter langka isuk boto ma ngasongon kalabus e ngapolou ke umu. Deka emkere eliang ke lem ninu ma ngamunu ine.

Filemon 1:22 Iomraidhean Croise

Aposel 27:24

E iye wai langane. ‘Omulou tarna lugom sakam. Ma ompolou ke Sisar bitna ma iye klingen lem pelengon. Silang blang langane. Ma Ida Tapolngon didi ila elio itau e lua osep keniye ka tidong ke sip ane ma gute kene imina ke umu kovok.’

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Pas ka Pol sogoe uti la ke osep Rom ina 15:24

Deka alo ka ngala ke omur Spen aitno lungong mter langka ngawaiki ngauti ngavati umu paide. Deka ma ngala. Aitno lungong itau lokono ma ngavati umu e ngawaiki ngadong sasi boto kap umu. Deka mase ngawaiki umolua ngong ma ngala ke omur Spen.

2 Korin 1:11

E ma umolua imi alo ka umawai itau ke Ida Tapolngon ke imi. Ma osep pula aitno lisak itau ke kerengen ka polou ke imi batne ke urok pmingen itau ke imi.

Filipai 1:19

Aitno lungong neser kesua ngaile lumu pmingen itau e Yesus Krais Ano ila luangan ma lua ngong ma ngasongon kalabus ane.

Filipai 2:24

Deka aitno lungong dagar langka isuk boto Ida Puda ma lua ngong ma ngakaranga ngauti ngapolou ke umu blang.

Hibru 13:19

E ngawaiki ma umawai itau langane pula ma suong ngakaranga ngaiding ke umu.

Hibru 13:23

E ngawaiki umeile osep tisongon udo aten Timoti ke kalabus kodong. Langka suong iye polou ke ngong deka ma imorwo imouti ke umu e imavati umu.

Jems 5:16

E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.

2 Jon 1:12

Ngawaiki ngawai pelengon pula leklou ke umu e dau ngawaiki ngasogoe ke pas kovok. Ngawaiki ngauti ke umu ma itakaranga itawai pulu. E ngawaiki aitno lite neser omba.

3 Jon 1:14

Ngawaiki isuk boto ngauti ke wom deka ma itakaranga itawai pulu.