Filemon 1:17 - Aria New Testament

¹⁷ Ate Filemon. Itorwo itodue Ida Puda ila bokongon deka ma omdue Onesimus e aitno lugom itau ke iye langka aitno lugom itau ke ngong.

Filemon 1:17 Iomraidhean Croise

Matyu 10:40

“Gute gesa ka due umu umesep ke ila ninu due ngong ngasep blang. E gute ka due ngong ngasep ke ila ninu due gute ka pagei ngong ngame iye sep blang.

Matyu 18:5

E gute sei ka aitno mter ke ngong e aitno itau ke agau langka agau ane aitno itau ke ngong blang.

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Aposel 16:15

Deka imapaunim iye gosok osep leklou ka tidong ke ila ninu. Imapaunim isak yagos deka Lidia wai ke imi langane. “Langka aitno lumu mter aitno lungong dagar lokono ke Yesus deka umomo umodong kap ngong ke lou ninu.” Iye wai dagar ke imi langane deka imala imodong kap iye.

2 Korin 8:23

Ngong imorwo lou aten Taitus imoboko pulu ke bokongon ka imolua umu. E limem saten orwo ka tigosok Taitus isak sios tonari ila osep bokongon ina e urok bokongon kakai Ida Puda angaine tito la egim.

Efesus 3:6

Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

1 Timoti 6:2

Langka osep ka tiplau osep ka isak wokboi nating isak osep Kristen deka ma osep bokongon ina tidue markan ke isak kovok. Ma tituk urok pelengon kovok. E ma aitno lisak mter langane. Gute ka ngaboko ke iye io iye Kristen blang deka ma aitno lungong itau lokono ke iye. Ma amnapapra pelengon ane ke osep e amparere isak ine.

Filemon 1:10

Ngapmi wom ke gute Onesimus. Alo ka ngadong ke kala-bus ngawai ke iye ke Ida Tapolngon ila pelengon deka aitno la dagar ke Krais. Deka iye polou langka erigu.

Filemon 1:12

Ngong lana ngong ke iye e ngapagei iye bauluk iding ke wom.

Filemon 1:18

E langka iye due elio soulu gesa ke wom koke wan gesa ina klingen munu pes iye ma ngakoli batne.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.