Aposel 8:5 - Aria New Testament

⁵ Alo ari Filip songon Jerusalem deka la duru ke armok kene ina ke omur Samaria. Iye polou ine e napapra Yesus ka Krais ina basikngen ke osep ari.

Aposel 8:5 Iomraidhean Croise

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 21:8

Oklou silang imosongon isak e imala imopolou ke Sisaria deka imala imopolou ke gute Filip ila ninu e imodong kap iye oklou leklou. Iye gute ka napapra omon itau ke osep. Oglou ke Jerusalem osep tirere iye gosok osep lumakene leklou ma tiplau ngangon ina tongongon.

Aposel 5:42

Alo ari oklou aling aling tinapapra ke Yesus ka Ida Tapolngon rere Krais ka iye lua osep ila omon itau. Tiparere osep ka tidong ke omur ka lelei Ida Tapolngon ila ninu e osep ka tidong ke urok ninu ninu blang.

Aposel 6:5

Osep keniye tiklingen osep aposel urok pelengon deka aitno lisak itau ine. Deka tirere gute Stiven ka aitno dagar lokono ke Yesus e Ano Itau plau iye itau. E tirere Filip e Prokorus e Nikanor e Timon e Parmenas e Nikolas. Nikolas iye gute Grik ina ka ila armok batne Antiok ka oglou iye due osep Yuda ina inarak apu deka iye neklep ke isak.

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Aposel 8:26

Filip dau dong ke Samaria e Ida Tapolngon ila ensel palongo ila langane. “Emtito omsongon armok ane e amla ke omur saut e emdidi ekreng ka duru ke Jerusalem e la ke armok Gasa.” Ekreng ka ensel palongo Filip ine munu ke omur ka dong adai vala.

Aposel 8:30

Deka Filip suong la polou ine e klingen gute ka dong ke karis ritim gute napaprangan ina Aisaia ila sogongon. Deka iye pmi gute langane. “Emritim sogongon ane e emile omur ke lana ine koke aurou?”

Aposel 8:40

E suong lokono Filip polou ke armok Asdot. Ari iye lila napapra Yesus ila omon itau ke armok keniye la lama mase iye polou ke armok Sisaria.

Aposel 8:6

Deka osep pula pula ari tiklingen Filip ila pelengon e tivati elio arit ina ka iye due e aitno lisak kene ke ila pelengon.

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

1 Korin 1:23

E imanapapra pelengon kene ka la ke Krais ina metengen ke ina akai. Deka pelengon ka imanapapra ine due osep Yuda ina aitno lisak soulu e due osep Grik ina ma tiwai pelengon tonari pelengon adai vala.

1 Korin 2:2

Aitno lungong langane. Alo ka ngadong kap umu aitno lungong mter ke wan silang blang kovok. Aurou. Aitno lungong la dagar ke Yesus Krais e elio ka iye mana ke ina akai e mete ine.

1 Korin 3:11

Umeile Ida Tapolngon rere Yesus Krais kodong langka iye opmu ka ninu dong dagar ine. E gute gesa blang karanga sin opmu leklou ka ma iye uri ninu napal munu ine kovok.