Aposel 8:4 - Aria New Testament

⁴ Ari osep ka aitno lisak dagar ke Yesus tidardar kla tilila ke omur pula batne ke agegeng tonari e tinapapra Ida Tapolngon ila pelengon ke osep.

Aposel 8:4 Iomraidhean Croise

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Luk 1:2

Eriar langka osep ka tidong oglou lila me tivati wan ka tipolou e tinapapra omon itau deka tiwai ke imi ine blang.

Aposel 11:19

Alo ari osep tidue burwa ke Stiven kodong e tidue agegeng pula ke osep ka aitno lisak dagar ke Yesus blang. Deka ke batne langane osep ka aitno lisak dagar ke Yesus tidardar kla ke omur Fonisia e aidunu Saiprus e armok Antiok. Alo ari tinapapra Yesus ila omon itau ke osep Yuda ina vala. E tinapapra kovok ke osep ka isak osep Yuda ina kovok.

Aposel 15:35

Ari Pol orwo Barnabas dau tidong ke Antiok deka tigosok osep pula tiparere osep e tinapapra Ida Puda ila pelengon.

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Aposel 8:12

Mase Filip napapra pelengon itau ka la ke omur ka Ida Tapolngon ma plaue e Yesus Krais ila omon itau blang ke isak. Deka ari osep arang e apmang pula aitno lisak la dagar ine deka tidue elio paunimngen ina.

1 Tesalonaika 2:2

Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.