Aposel 8:1 - Aria New Testament

¹ Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Aposel 8:1 Iomraidhean Croise

Matyu 22:6

E osep leklou tikis ila wokboi nating e tidue elio soulu ke isak e timluk isak ma timete.

Matyu 23:34

Ke batne langane ma ngapagei osep napaprangan ina e osep ka urok ilengen omba e osep ka tiparere umu ke Ida Tapolngon ila pelengon ke umu. E umodue burwa ke isak leklou e umenilim isak leklou ke inarak akai e umoules isak leklou ke lumu duningen ina ninu e umesik isak kla ke armok armok.

Matyu 5:13

“Umu langka sol ke osep ka tidong ke taklak. E langka sol galo kovok lange ma itodue sol tonari polou galo blang? Aurou. Iye itau ke wan gesa kovok e ma itouri ke taklak e osep tilila e tipese ke kamsak.

Jon 15:20

Omtomu sisir lou pelengon ka ngawai ke umu langane. Gute bokongon ina mole ina puda kovok. Langka osep taklak ina tidue agegeng ke ngong ma tidue agegeng ke umu blang. E langka tididi lou pelengon ma tididi lumu pelengon blang.

Jon 16:2

Mase osep ma tisapir umu ke urok duningen ina ninu e ma tidue burwa ke umu. E gute ka due burwa ke umu ma aitno mter iye due Ida Tapolngon ila bokongon.

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 2:47

Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

Aposel 22:20

Oglou alo ka osep tidue burwa ke Stiven ka palongo osep ke wom ngavri olwo boto e ngavati elio are. E ari aitno lungong kene ke ina metengen deka ngaplau osep ka tidue burwa ine urok molo.’

Aposel 26:10

Ari ngadue elio langane ke Jerusalem e ngala ngapolou ke osep loulou ina ka omba e tikar urok pelengon ke ngong e ari ngala ngadue Ida Tapolngon ila osep ma ngapaur isak tisep ke kalabus e tidong ine. Silang blang alo ka osep tidue burwa ke isak aitno lungong kene ke elio are.

Aposel 5:18

Deka tikis osep aposel dagar e tipaur isak kla tisep ke kalabus e tidong kap osep sosoulu.

Aposel 5:20

“Umala ke omur ka lelei Ida Tapolngon ila ninu e umanapapra osep pula pula ke pelengon keniye ke elio oku ina.”

Aposel 5:33

Tiklingen osep aposel urok pelengon deka aitno lisak nevlik omba e aitno lisak amnga ke isak. Deka tiwaiki tidue burwa ke isak.

Aposel 5:40

Osep tiklingen Gamaliel ila pelengon e tididie. Deka tigi osep aposel ma tipolou ke amtarsak blang. Deka tiules isak e tidangdang isak lama tinapapra osep ke Yesus ila omon itau blang deka tisongon isak kla.

Aposel 7:38

Alo ari Moses gosok osep Israel ina tidong pulu ke omur ka dong adai vala. Iye dong ine kap udo seia. Ari iye tito la ke gigri Sainai deka ensel gesa wai Ida Tapolngon ila pelengon ka dong aling aling ke iye ka lua ite. Moses duru ke gigri tonari deka kare ke osep deka pelengon tonari dong kap ite.”

Aposel 7:54

Osep tiklingen Stiven ila pelengon deka aitno lisak nevlik amnga lokono ine.

Aposel 7:58

E tisodung iye e tisapir iye la ke armok dogur deka tidue opmu e timluk iye ine ma iye mete. Osep ka tisin elio vri ke iye tiklok urok molo deka molo dong olwo boto ke gute auram ka angaine Sol.

Aposel 8:14

Osep aposel ka tidong ke Jerusalem tiklingen osep Samaria ina aitno lisak la dagar ke Ida Tapolngon ila pelengon deka tipagei Pita orwo Jon tisongon Jerusalem e tiduru kla ke omur Samaria.

Aposel 8:2

Ari osep leklou ka urok elio isuk isuk itau tidue Stiven pampamu ine e tiyase e tikngis omba kesua aitno lisak soulu ke Stiven ina metengen.

Aposel 8:4

Ari osep ka aitno lisak dagar ke Yesus tidardar kla tilila ke omur pula batne ke agegeng tonari e tinapapra Ida Tapolngon ila pelengon ke osep.

Aposel 8:5

Alo ari Filip songon Jerusalem deka la duru ke armok kene ina ke omur Samaria. Iye polou ine e napapra Yesus ka Krais ina basikngen ke osep ari.

Aposel 9:31

Alo ari Ida Tapolngon ila osep ka tidong ke omur Judia e ke omur Galili e ke omur Samaria osep aitno lisak epen ke isak. Ari Ano Itau lua osep tonari e due aitno lisak dagar lokono ke Yesus. Deka osep ka aitno lisak dagar ke Yesus tires tipolou pula. Deka tidong itau e tidue anit ke Inarak Puda.

Pas ka Pol sogoe uti la ke osep Rom ina 1:32

Lama tile omur Ida Tapolngon wai osep ka tidue elio soulu tonari ma timete ine dau tidue. E silang blang langane. Aitno lisak neser ke osep ka tidue elio bitna bitna ka soulu eriar langka tidue.

Filipai 1:12

Sipmi. Ngawaiki umeile omur wan ka polou ke ngong dangdang omon itau kovok. Aurou. Wan tonari due omon itau la ke osep pula pula.

Hibru 11:27

Moses aitno dagar ke Ida Tapolngon deka iye songon omur Isip la. E iye ulou ke gute ka vri mgo ke omur Isip ka aitno engil ke iye kovok. E langane. Itosep itakaranga itavati Ida Tapolngon kovok e dau Moses dong dagar langka iye karanga vati iye.