Aposel 6:3 - Aria New Testament

³ Ma umerere sudo arang lumorwo ma tiplau bokongon ane. Umerere osep ka osep leklou tiwai urok elio isuk isuk itau e Ano Itau plau isak e tile omur itau. Deka ma imakar bokongon tonari ke isak.

Aposel 6:3 Iomraidhean Croise

Matyu 23:8

E umosongon osep tisir umu gute parerengen ina kovok kesua lumu gute parerengen ina kene vala dong e umu keniye umodong eriar.

Jon 21:23

Mase omon ke Yesus ila pelengon ane kes lila ke osep ka tididi Yesus. E aitno lisak mter langka disaipel are ma mete kovok. E dau Yesus wai langare kovok. Aurou. Iye wai langane vala. “Langka ngawaiki iye dong la lama ngaiding ngame are wan gesa kovok ke wom.”

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 1:21

Deka ma iterere gute kene ma kasip Judas amune. Ma iterere gute ka iye lila kap ite blang ke oglou alo ka itogosok Ida Puda Yesus itelila me ke oku ane.

Aposel 10:22

Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 2:4

Deka Ano Itau duru sep ke isak kensak kensak e due aitno lisak e tiwai pelengon bitna bitna ka oglou tile ine kovok.

Aposel 22:12

“Ngadong ke Damaskus deka gute Ananaias me polou ke ngong. Iye gute gesa ka didi Moses ila sogongon keniye e osep Yuda ina pula ka tidong ke armok tonari aitno lisak itau ke iye.

Aposel 28:14

Imodong ke armok tonari e imopolou ke sipmi ka isak osep Kristen. E tiwai ke imi langane. “Umodong kap imi iding ke wik kene.” Tiwai langane deka imodong kap isak wik kene. Mase imosongon isak e imedidi ekreng e imala ke Rom.

Aposel 6:2

Osep songotno orwo ka Yesus ila aposel tiklingen osep tingurngur deka tivai omon la ke osep ka pula keniye ka aitno lisak dagar ke Yesus tiwaiki time ma tiduni pulu. Deka isak keniye time e osep aposel tiwai ke isak langane. “Oklou aling aling limem bokongon imanapapra Ida Tapolngon ila pelengon ke osep. Langka imosongon limem bokongon ma imotongo ngangon ke osep elio langare itau kovok.

Aposel 6:5

Osep keniye tiklingen osep aposel urok pelengon deka aitno lisak itau ine. Deka tirere gute Stiven ka aitno dagar lokono ke Yesus e Ano Itau plau iye itau. E tirere Filip e Prokorus e Nikanor e Timon e Parmenas e Nikolas. Nikolas iye gute Grik ina ka ila armok batne Antiok ka oglou iye due osep Yuda ina inarak apu deka iye neklep ke isak.

Aposel 6:6

Osep tirere osep lumorwo yagos deka tipaur isak tipolou ke osep aposel amtarsak. Deka osep aposel tiwai itau ke Ida Tapolngon deka limsak duru kai isak.

Aposel 9:30

Sol sisrok tile osep tonari aitno lisak deka tipaur Sol duru la ke armok Sisaria deka tipagei iye la ke armok Tarsus.

1 Korin 12:8

Ke gute gesa Ano Itau kere iye ma ile omur ke elio itau deka iye lua osep leklou ine. E ke gute silang Ano Itau kere iye ke ilengen ke elio ka iye kere Ida Tapolngon ila pelengon lana ine ke osep.

1 Korin 16:3

Umu tona umerere osep leklou ma tipaur lumu mani la ke Ida Tapolngon ila osep ka tidong ke Jerusalem. Deka alo ka ngauti ke umu ma ngakar pas gesa ke osep tonari ma tikalke la.

Efesus 5:18

E umeinim aki galou wain pula sakam lama omtomu balilu. Langka umodue elio langane ma paiavu umu. E umosongon Ano Itau ma plau umu vala.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

Jems 1:17

Wan keniye ka itau e itau lokono duru me ke Pmada ka dong egim ka tapol oklou e taiko e gigimo. Iye dong e segesege kovok langka wan ano segesege alo ka oklou lila ke egim ke sirva.

3 Jon 1:12

Osep pula tiwai gute Demitrius iye gute ka due elio itau vala e iye didi Ida Tapolngon ila pelengon ka lokono. Imi blang imawai iye gute itau. E umeile limem pelengon lokono vala.