Aposel 4:7 - Aria New Testament

⁷ Deka osep tidue Pita orwo Jon tisongon kalabus e tipaur isak kla tivri ke gute loulou ina ka mgo gosok sisrok amtarsak e tipmi isak langane. “Sei ila arit dong kap umu e lua umu deka umodue gute are kamla polou itau blang? Umesir sei angaine deka elio ane polou?”

Aposel 4:7 Iomraidhean Croise

Matyu 21:23

E Yesus sep ke omur ka lelei Ida Tapolngon ila ninu e parere osep ine. Deka osep loulou ina ka omba e osep namormor ke osep Yuda ina time ke iye e tipmi iye langane. “Omdue arit ge ma omdue elio ane? Sei kare ke wom?”

Mak 11:28

Deka tipmi iye langane. “Emdidi sei ila arit deka omdue elio bitna bitna ka omdue? Sei kar lem arit ke wom ma amkaranga omdue elio bitna bitna ka omdue?”

Jon 2:18

Deka osep Yuda ina tiwai ke iye langane. “Omdue elio arit ina ka nisngen lange ma nis imi lem arit dong ma amkaranga omdue elio ane?”

Jon 8:3

E osep ka tile itau ke Moses ila sogongon e osep Farisi ina tipaur apmang kene ka tidue alo ka iye due elio okwa. E tidue apmang vri ke osep amtarsak.

Jon 8:9

Alo ka osep tiklingen Yesus ila pelengon isak kensak kensak kla. E osep namormor isak kla mgo deka osep leklou isak kla blang la lama Yesus vala dong e apmang dau vri are.

Aposel 4:10

Ma ngapalongo lumu umogosok osep Yuda ina ka pula keniye ma umeile omur ke elio ane ina poloungon batne. Gute Yesus ila arit due gute ane kamla polou itau blang. Oglou umenilim Yesus kamla e limla ke ina akai deka iye mana ine e mete. Deka osep tipaur pampamu ine la munu ke ina denga. Mase Ida Tapolngon didi ila arit e due poga tito ke ina denga. Deka eknikane gute ka umavati ane iye vri ane batne ke Yesus Krais ka Nasaret ina ila arit due kamla polou itau blang.

Aposel 4:6

Tiduni pulu kap gute Anas ka iye gute loulou ina ka mgo e Kaiafas e Jon e Aleksander e osep leklou ka isak Anas ila osua blang.

Aposel 4:8

Deka Ano Itau due Pita aitno e iye wai ke isak langane. “Umu ka osep ngongle e ka osep plaungan ina umoklingen lou pelengon ane.

Aposel 5:40

Osep tiklingen Gamaliel ila pelengon e tididie. Deka tigi osep aposel ma tipolou ke amtarsak blang. Deka tiules isak e tidangdang isak lama tinapapra osep ke Yesus ila omon itau blang deka tisongon isak kla.