Aposel 4:2 - Aria New Testament

² Osep tonari aitno lisak soulu ke isak orwo kesua tiparere osep ke elio ka osep timole metengen deka tipoga titito ke inarak denga batne ke Yesus.

Aposel 4:2 Iomraidhean Croise

Aposel 13:45

­Deka osep Yuda ina tivati osep pula pula tiduni pulu e aitno lisak rim ine. E tipara pulu Pol ila pelengon e tiwai soulu ke iye.

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 19:23

Alo ari osep pula ka tidong ke Efesus aitno lisak soulu e amnga kesua osep pula tididi elio oku ina.

Aposel 24:21

Oglou alo ka ngavri ke osep tonari amtarsak ngawai langane. ‘Eknikane umawaiki umawade ngong batne aitno lungong dagar ma Ida Tapolngon due osep ka oglou timete tipoga titito ke inarak denga.’ Ngawai langane e tisin elio vri ke ngong batne ke lou pelengon ane.”

Aposel 26:23

Oglou tiwai osep ma tidue burwa ke gute ka Ida Tapolngon rere Krais ka iye lua osep ke urok elio epmes ina. E ma iye mgo ke osep keniye ka tipoga titito ke inarak denga. Deka ma iye napapra ke osep Yuda ina e ke osep ka isak osep Yuda ina kovok ke elio ka iye lua osep ke urok elio epmes ina. E elio ane langka bublongon ke isak.”

Aposel 26:8

Ina lange aitno lumu karanga mter ke elio ka Ida Tapolngon due osep ka timete kodong tipoga titito ke inarak denga kovok?”

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 5:17

Alo ari gute loulou ina ka mgo gosok sisrok ka osep Sadyusi ina aitno lisak rim ke osep aposel deka aitno lisak soulu ke isak.

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

1 Korin 15:23

Deka langane. Ite ka pula keniye ma itopoga itetito ke ida denga alo ka Ida Tapolngon rere ke ite ma iye due langane. Mgongon iye due Krais poga tito ke ina denga e mase alo ka iye iding me ite ka pula keniye ka ila osep ma itopoga itetito ke ida denga.