Aposel 4:1 - Aria New Testament

¹ Pita orwo Jon dau tiwai ke osep pula deka osep loulou ina leklou tigosok gute ka vri mgo ke osep ka tiplau Ida Tapolngon ila ninu e osep Sadyusi ina leklou tipolou ke isak.

Aposel 4:1 Iomraidhean Croise

Matyu 16:12

Deka tile iye wai ma tiplau isak itau ke yis ka osep tidue sep ke bret kovok. Aurou. Iye wai ke osep Farisi ina e osep Sadyusi ina urok parerengen.

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Matyu 27:20

E osep loulou ina ka omba e osep namormor tisruk osep aitno lisak ma tiwai tiwaiki iye songon Barabas la e iye mluk Yesus ma iye mete.

Matyu 27:41

E osep loulou ina ka omba e osep ka tile itau ke Moses ila sogongon e osep namormor tidue apok ke Yesus eriar langane blang. E tiwai langane.

Matyu 3:7

E alo ka iye vati osep Farisi ina e osep Sadyusi ina pula time iye wai ke isak langane. “Umu langka mota ka olune soulu dong ke orsak. Sei palongo lumu ma umoulou ke Ida Tapolngon aitno ila engil ka ma me?

Luk 20:1

Ke oklou kene Yesus dong ke omur ka lelei Ida Tapolngon ila ninu e parere osep e napapra omon itau ke isak. E osep loulou ina ka omba e osep ka tile itau ke Moses ila sogongon e osep namormor ke osep Yuda ina time tidong lelei iye.

Luk 22:4

E Judas la ke osep loulou ina ka omba e osep ka timgo ke osep ka tiplau Ida Tapolngon ila ninu. E iye wai pulu kap isak ke elio ka ma iye lai Yesus ina ke isak.

Jon 15:20

Omtomu sisir lou pelengon ka ngawai ke umu langane. Gute bokongon ina mole ina puda kovok. Langka osep taklak ina tidue agegeng ke ngong ma tidue agegeng ke umu blang. E langka tididi lou pelengon ma tididi lumu pelengon blang.

Jon 18:3

Deka Judas due osep ola ina leklou ke osep Rom ina e osep leklou ka tiplau Ida Tapolngon ila ninu. Osep loulou ina ka omba e osep Farisi ina tipagei osep ka tiplau Ida Tapolngon ila ninu tonari isak kla kap Judas. E tikalke lam e esluk e evlei ina wan e isak kla ke yage.

Aposel 4:6

Tiduni pulu kap gute Anas ka iye gute loulou ina ka mgo e Kaiafas e Jon e Aleksander e osep leklou ka isak Anas ila osua blang.

Aposel 5:17

Alo ari gute loulou ina ka mgo gosok sisrok ka osep Sadyusi ina aitno lisak rim ke osep aposel deka aitno lisak soulu ke isak.

Aposel 5:24

Osep tonari tipalongo gute ka vri mgo ke osep ka tiplau Ida Tapolngon ila ninu gosok osep loulou ina ka omba ine deka aitno lisak mter pula ine e aitno lisak kro ine. E aitno lisak mter langane. “Ai elio lange polou ke isak?”

Aposel 5:26

Tiklingen gute tonari ila omon deka osep ka tiplau Ida Tapolngon ila ninu tigosok inarak puda isak kla tipolou ke osep aposel. Deka tidue isak e tibauluk e tidue agegeng ke isak kovok kesua tiulou tarna lisak ke osep pula lama tidue opmu e timluk isak ine.

Aposel 6:12

Osep tonari tisruk osep pula e osep ngongle e osep ka tile itau ke Moses ila sogongon aitno lisak deka aitno lisak soulu lokono ke Stiven. Deka tikis iye dagar e tipaur iye la ke osep kaunsil ina amtarsak.

Aposel 6:7

Alo ari Ida Tapolngon ila pelengon pakes lila e osep pula ka tidong ke Jerusalem aitno lisak la dagar ke Yesus. Deka osep ka aitno lisak dagar ke Yesus tires tipolou pula. E silang osep loulou ina pula aitno lisak la dagar ke Yesus.