Aposel 27:2 - Aria New Testament

² Deka imesep ke sip gesa ka armok Adramitium ina ka waiki la polou ke armok armok ka tidong ke provins Esia ina dingen batne e imosongon omur imala. Alo ari gute Aristarkus ka ila armok batne Tesalonaika ka dong ke provins Masedonia la kap imi.

Aposel 27:2 Iomraidhean Croise

Luk 8:22

Ke oklou kene Yesus sep ke bot kap ila disaipel e wai ke isak langane. “Ma itala ke elim ane burla.” Deka tisongon aki ina dingen batne ma tibru elim.

Aposel 16:17

Oklou aling aling apmang ane didi imi imogosok Pol e iye wai omba langane. “Osep ane isak Ida Tapolngon ka mole tapolngon ka pula keniye ila osep bokongon ina. Tiwai ke umu ke pelengon ka karanga lua umu ke lumu elio epmes ina.”

Aposel 17:1

Pol orwo Sailas isak kla ke armok Amfipolis e armok Apolonia. E mase tipolou ke armok Tesalonaika ka osep Yuda ina urok duningen ina ninu gesa dong ine e tidong ke armok tonari.

Aposel 19:19

E osep leklou ka oglou isak borou timla tipaur urok buk ka borou ina ke osep pula amtarsak e tibik isak e eiou ngen isak. E titik urok buk keniye tonari inarak klingen ke mani silva e ina sasa polou langka 50,000.

Aposel 19:29

Tiwai dagar langane deka dau tauni kovok osep pula aitno lisak nevlik e tidaiku omba ine. E osep pula tikis dagar gute Gaius orwo gute Aristarkus ka isak kla kap Pol ke ila langan. Isak osep Masedonia ina. E osep pula tigosok osep ka tikis osep orwo kamsak kene tisuong tipolou ke omur ka osep Efesus ina tiduni pulu ine.

Aposel 2:9

Imi osep Partia ina e osep Midia ina e osep Elam ina. E imi leklou imi osep Mesopotemia ina e osep Judia ina e osep Kapadosia ina e osep Pontus ina e osep Esia ina.

Aposel 21:5

­Imodong ke Tair la lama mase sip waiki songon armok are deka imala blang. Ari osep arang keniye tigosok sasarak e titorok tipaur imi imosongon armok tonari. E imala ke misuon ina dingen batne e imogrum kepmi e imawai itau ke Ida Tapolngon.

Aposel 28:10

Osep ka tidong ke aidunu tidue elio itau lokono ke imi e alo ka imawaiki imosongon aidunu tikar wan bitna bitna ke imi ma tilua imi ke sip.

Aposel 28:12

Imala la lama imopolou ke armok Sirakyus e imodong ine oklou eklu.

Aposel 28:16

Imala la lama imopolou ke Rom deka ari osep Rom ina tisongon Pol iye dong ke ninu gesa e gute ola ina kene dong kap iye e plau iye.

Aposel 28:2

Alo ari osep matamur tidue mada ke imi e tikere imi itau lokono. E tires eiou ma imamarang ine kesua aragu duru e tarna limi blesim.

Kolosi 4:10

Gute Aristarkus ka iye dong ke kalabus kap ngong wai “oklou itau” ke umu. E gute Mak ka iye Barnabas ila aidagu wai “oklou itau” ke umu blang. Oglou ngapagei pas uti ke umu ka wai langane. Langka Mak polou ke umu deka aitno lumu itau ke iye e umodue elio itau ke iye.

Filemon 1:24

E Mak e Aristarkus e Demas e Luk ka imogosok imoboko tiwai “oklou itau” ke wom blang.