Aposel 26:6 - Aria New Testament

⁶ ­Eknikane ngapolou ngavri ke emtem kesua aitno lungong dagar lokono e ngapara ke Ida Tapolngon ila promis ka oglou ari iye wai dagar ke limem seia.

Aposel 26:6 Iomraidhean Croise

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 24:15

Eknikane aitno lungong dagar e ngapara ma mase Ida Tapolngon due osep keniye ka timete kodong tipoga titito ke inarak denga. Ma iye due elio langane ke osep ka itau e ke osep ka soulu. Osep ka tisin elio vri ke ngong aitno lisak dagar langane blang.

Aposel 24:21

Oglou alo ka ngavri ke osep tonari amtarsak ngawai langane. ‘Eknikane umawaiki umawade ngong batne aitno lungong dagar ma Ida Tapolngon due osep ka oglou timete tipoga titito ke inarak denga.’ Ngawai langane e tisin elio vri ke ngong batne ke lou pelengon ane.”

Aposel 26:8

Ina lange aitno lumu karanga mter ke elio ka Ida Tapolngon due osep ka timete kodong tipoga titito ke inarak denga kovok?”

Aposel 28:20

Ngagi umu ma itoduni pulu ma ngapalongo lumu ke elio batne ka osep tipou ngong ke sen. Umoklingen. Aitno lungong dagar ke gute ka oglou udo seia tidong dau tauni e tipara ke iye ma iye me lua osep Israel ina. Aitno lungong langane e osep tipou ngong batne aitno lungong dagar ke iye.”

Aposel 3:24

Mase gute napaprangan ina Samuel dong. Alo ari iye napapra osep ke taim ane. Mase osep napaprangan ina keniye ka tididi Samuel tinapapra ine blang.

Pas ka Pol sogoe uti la ke osep Rom ina 15:8

Ngawai langane. Krais polou langka gute bokongon ina ma iye lua osep Yuda ina. Iye due langane ma tile omur Ida Tapolngon ila elio didi ila promis ka oglou iye wai ke urok seia ine.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.