Aposel 22:3 - Aria New Testament

³ “Ngong tona gute Yuda ina gesa e nina divir ngong ke Tarsus ka dong ke omur Silisia. Oglou alo ka ngong dau agau ngame ngadong ke armok ane. E alo ari gute Gamaliel parere ngong itau ke udo seia urok pelengon dagar. Iye due langane la lama aitno lungong polou dagar lokono ke Ida Tapolngon eriar langka eknikane umu blang aitno lumu dagar ke iye.

Aposel 22:3 Iomraidhean Croise

Luk 10:39

E Marta lutno angaine Maria dong kap iye e iye dong olwo boto ke Ida Puda kamla e klingen ila parerengen.

Luk 2:46

Tikrim ke iye oklou epmes eklu mela yagos deka tipado iye ke Ida Tapolngon ila ninu. Iye dong kap osep parerengen ina e iye klingen ke isak. E iye pmi isak ke pmingen blang.

Luk 8:35

E osep isak kla ma tile elio ka polou deka tipolou ke Yesus e tivati gute ka angelo soulu tisongon iye. E iye tnei klos e dong ke Yesus kamla e manga manga kovok. Aurou. Aitno malak e iye mter itau. E osep tonari tiulou tarna lisak ke elio ane.

Aposel 11:25

Deka Barnabas songon An-tiok e la ke armok Tarsus kesua iye waiki pado Sol.

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 15:41

E Pol lila ke provins Siria e provins Silisia e ke omur orwo tonari iye kar pelengon ke Ida Tapolngon ila osep ka due aitno lisak tidong dagar lokono.

Aposel 21:20

Osep tonari tiklingen Pol ila pelengon e tikakai Ida Tapolngon angaine tito la egim ine deka tiwai ke Pol langane. “Limem aten osep Yuda ina pula pula aitno lisak la dagar ke Yesus kodong. E silang blang langane. Osep tonari aitno lisak dau dagar lokono ma tididi Moses ila sogongon.

Aposel 21:39

Deka Pol koli wai ke iye langane. “Aurou. Ngong gute Yuda ina e lou armok batne armok Tarsus ka dong ke omur Silisia. Lou armok batne angaine omba. Eknikane ngawaiki ngawai ke osep ka tivri are.”

Aposel 23:34

­Deka gute ka plau omur tonari ritim pas e pmi Pol langane. “Lem omur batne dong ge?” E Pol koli wai langane. “Lou omur batne omur Silisia.”

Aposel 23:6

Ari Pol ile osep leklou isak osep Farisi ina e osep leklou isak osep Sadyusi ina deka iye wai omba langane. “Sipmi umoklingen. Livou iye gute Farisi ina e ngong blang gute Farisi ina. Eriar langka osep Farisi ina aitno lisak dagar langka gute ka mete ano la e mase ma iye poga tito ke ina denga aitno lungong dagar langane blang. Eknikane umesin elio vri ke ngong batne aitno lungong dagar e ngapara ke elio langane.”

Aposel 26:5

Tile ngong e lou elio tauni kodong. Oglou ngong gute Farisi ina gesa e ngadidi imi osep Farisi ina limem elio ka engil lokono. Langka osep Yuda ina tiwaiki tiwai ke wom ke lou elio tikaranga tidue kesua tile omur ke ngong.

Aposel 26:9

“Oglou aitno lungong mter langka ngadue elio ka pes Yesus ka Nasaret ina angaine deka lou elio itau.

Aposel 5:34

Osep tonari aitno lisak engil lokono ke osep aposel e tiwaiki timete. Deka gute Farisi ina gesa ka angaine Gamaliel tito wai ke isak. Iye gute parerengen ina ke Moses ila sogongon e osep pula tidue anit ke iye. Iye vri deka wai ke osep aposel langane. “Umopolou umala ke dogur.” Deka isak kla ke dogur e tipara are.

Aposel 6:9

Ari osep leklou tipara pulu pelengon kap Stiven. Osep tonari isak osep ka tidong ke osep Yuda ina urok duningen ina ninu ka angaine osep Friman ina. Osep ane kap osep Sairini ina e osep Aleksandria ina e osep Silisia ina e osep Esia ina tipara pulu pelengon kap Stiven.

Aposel 9:1

Alo ari Sol wai iye waiki due agegeng e due burwa ke osep ka aitno lisak dagar ke Ida Puda. Iye waiki due burwa ke Yesus ila disaipel. Deka iye la ke gute loulou ina ka mgo.

Aposel 9:11

Deka Ina Puda palongo ila langane. “Emtito amla ke ekreng ka osep tisire ekreng Osuk e ma ompolou ke gute Judas ila ninu deka empmi iye langane. ‘Gute Sol ka armok Tarsus ina dong ge?’ Empmi iye ine kesua Sol dong ke ninu tonari e wai itau ke ngong.

Aposel 9:30

Sol sisrok tile osep tonari aitno lisak deka tipaur Sol duru la ke armok Sisaria deka tipagei iye la ke armok Tarsus.

Pas ka Pol sogoe uti la ke osep Rom ina 11:1

Eknikane ngapmi umu lang-ane. Ida Tapolngon pul dogur ke ila osep Israel ina kodong ma isak ila osep kovok koke aurou? Aurou lokono. Ngong gute Israel ina. Ngong Abraham ila napakngan gesa. E ngong gute ke Benjamin ila osua.

2 Korin 11:22

Tiwai pelengon Hibru i? Ngong blang ngawai pelengon Hibru. Isak osep Israel ina i? Ngong blang gute Israel ina. Isak Abraham ila napakngan i? Ngong blang Abraham ila napakngan gesa.

Galesia 1:14

E ngong arit ngong lokono e ngadidi lou seia urok elio bitna bitna lokono e ngamole osep auram ke osep Yuda ina pula ka inarak tobor eriar ke ngau tobor.

Galesia 1:21

Mase ngala ngalila ke provins Siria e provins Silisia.