Aposel 21:3 - Aria New Testament

³ Imala ke sip e imopolou olwo boto ke aidunu Saiprus e imasala iye ke lipmi gala ina. Imi dau imala e mase imopolou ke provins Siria. E imosongon sip ke armok Tair ka dong ke provins tonari. Ari osep tipaur sip ina brokngon polou.

Aposel 21:3 Iomraidhean Croise

Matyu 11:21

“Umu osep ke armok Korasin e osep ke armok Betsaida ma elio soulu polou ke umu. Kesua langka elio arit ina ka ngadue ke lumu armok orwo ngadue ke armok Tair e armok Saidon tibauluk aitno lisak kodong. E tidue elio ka nis ite aitno lisak soulu ke urok elio epmes ina e tibauluk aitno lisak ine.

Matyu 4:24

E omon ke wan ka Yesus due la ke provins Siria ka pula keniye. E osep tikalke osep ka wan sasi due isak ke iye. Langka osep ka paiangan bitna bitna due isak e osep ka tarna lisak doro doro e osep ka angelo soulu due isak e osep ka tipaia e tigene e tinakarkar adai e osep ka kamsak e limsak timete. E Yesus due osep tonari tipolou itau blang.

Luk 10:13

“Aisudo umu osep Korasin ina e osep Betsaida ina. Elio soulu ma polou ke umu. Kesua langka elio arit ina ka ngadue ke lumu armok orwo ngadue ke Tair e Saidon ma tibauluk aitno lisak tauni kodong. E tidue nisngen langka titnei klos ka sasi e tisak eiou ina group ke bara lisak ma tinis ite aitno lisak soulu ke urok elio soulu.

Luk 2:2

Ane sensis kene ina ka tidue alo ka gute Kwirinius plau provins Siria.

Aposel 11:19

Alo ari osep tidue burwa ke Stiven kodong e tidue agegeng pula ke osep ka aitno lisak dagar ke Yesus blang. Deka ke batne langane osep ka aitno lisak dagar ke Yesus tidardar kla ke omur Fonisia e aidunu Saiprus e armok Antiok. Alo ari tinapapra Yesus ila omon itau ke osep Yuda ina vala. E tinapapra kovok ke osep ka isak osep Yuda ina kovok.

Aposel 12:20

Ari Herot aitno engil lokono ke osep Tair ina e osep Saidon ina. Deka tiduni pulu e tipolou ke Herot bitna e tipmi iye ma aitno epen ke isak. Mgongon tiwai ke gute Blastus ka plau Herot ila ninu ma iye wai dikngen ke Herot. Tiwaiki Herot aitno epen ke isak kesua ke tobor aling aling tikli inarak ngangon ke omur ka Herot vri mgo ine.

Aposel 13:4

Ida Tapolngon Ano Itau pagei isak deka tiduru kla e tipolou ke armok Selusia. Deka tidue sip gesa e tisongon Selusia e isak kla ke aidunu Saiprus.

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 15:39

Aitno lisak engil pulu ine e tikot pulu deka tidardar pulu. E Barnabas due Mak e isak orwo tidue sip e isak kla ke aidunu Saiprus.

Aposel 15:41

E Pol lila ke provins Siria e provins Silisia e ke omur orwo tonari iye kar pelengon ke Ida Tapolngon ila osep ka due aitno lisak tidong dagar lokono.

Aposel 18:18

Pol dau dong ke Korin oklou pula e mase iye waiki songon sisrok ka osep Kristen e la sep ke sip gesa ka la ke provins Siria. Alo ari gute Akwila orwo esna Prisila isak kla kap iye. Tipolou ke armok Senkria mgo e ari Pol waiki didi osep Yuda ina inarak apu gesa deka gute gesa blou Pol apna elilo keniye la kesua elio ane nisngen iye wai dagar ke Ida Tapolngon ke elio gesa kodong.

Aposel 21:16

Ari Yesus ila disaipel leklou ka urok armok batne Sisaria isak kla kap imi e tipaur imi ke gute Nason ila ninu ma imodong kap iye. Gute tonari iye gute Saiprus ina ka tauni kodong iye Yesus ila disaipel.

Aposel 21:2

Imodong ke Patara e imavati sip gesa ka la ke omur Fonisia e imesepe e imala ine.

Aposel 21:7

Imosongon Tair e imala la lama imopolou ke armok Tolemes. E imopolou ke sipmi ka Kristen ka tidong ke armok tonari e imawai “oklou itau” ke isak. E imodong kap isak ke oklou kene vala.

Aposel 27:4

­Deka oklou silang imosongon omur are e imala blang. E imasala aidunu Saiprus galna ka sep la kesua engen dagar me due limem sip. E imawaiki imakalu ke aidunu ma aidunu para engen.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.