Aposel 2:9 - Aria New Testament

⁹ Imi osep Partia ina e osep Midia ina e osep Elam ina. E imi leklou imi osep Mesopotemia ina e osep Judia ina e osep Kapadosia ina e osep Pontus ina e osep Esia ina.

Aposel 2:9 Iomraidhean Croise

Aposel 16:6

Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.

Aposel 18:2

E ari iye soson gute Yuda ina gesa ka angaine Akwila ka ila omur batne Pontus. E oglou tauni kovok iye gosok esna Prisila tisongon omur Itali e time tipolou ke Korin. Kesua gute Klodius ka vri mgo ke omur Rom wai dagar ma osep Yuda ina keniye tisongon armok Rom e isak kla tidong ke omur silang. E Pol la ke isak.

Aposel 19:10

Pol due elio langane ke ninu tonari iding ke tobor orwo. E alo ari osep Yuda ina ka pula keniye e osep Grik ina ka pula keniye ka tidong ke provins Esia tiklingen Ida Puda ila pelengon.

Aposel 19:27

Deka dau tauni kovok Pol ila pelengon karanga due udo bokongon polou yagos. Oglou osep ka provins Esia ina keniye tilotuim ida tapolngon Artemis. E osep pula ka tidong ke omur pula leklou tilotuim iye blang. E eknikane isuk boto ma tidue anit ke Artemis ila ninu angaine kovok. E iye tona angaine duru blang kesua Pol ila pelengon pese.”

Aposel 19:31

Osep leklou ka isak osep gavman ina ke omur ari isak Pol sisrok e tipagei omon gesa la ke Pol e tiwai ke iye langane. “Pol amla emsep ke duningen tonari e ompolou ke osep amtarsak sakam.”

Aposel 2:8

E eknikane ina lange imi kenmi kenmi imeklingen isak tiwai limem pelengon bitna bitna?

Aposel 20:16

Oglou Pol aitno mter ma iye la lelei Efesus. Iye waiki dong ke Esia kovok kesua iye waiki suong polou ke Jerusalem. Ma iye dong ari alo ka tidue rogo ka osep Yuda ina tisire Pentikos.

Aposel 20:18

Alo ka osep tonari tipolou Pol wai ke isak langane. “Umeile omur ke lou elio isuk isuk nogrum ke alo ka mgongon ngapolou ke umu ke Esia. E lou elio isuk isuk ka ngadue oklou aling aling.

Aposel 20:4

Ari Pirus otno arang Sopater ka gute Beria ina la kap iye. E gute Aristarkus e gute Sekundus ka isak osep Tesalonaika ina tigosok iye. E gute Gaius ka gute Derbe ina gosok iye. E gute Timoti blang gosok iye. E gute Tikikus orwo gute Trofimus ka provins Esia ina tigosok Pol blang. E isak keniye kla.

Aposel 21:27

Pol gosok osep apanal tidong la lama oklou lumorwo ka tididi apu tonari olwo boto yagos. E ari osep Yuda ina leklou ka isak kaulei ke omur Esia tivati Pol ke Ida Tapolngon ila ninu. Deka tisruk osep pula aitno lisak e tikis Pol dagar.

Aposel 24:18

Deka alo ka ngadue langane osep Yuda ina tipolou ke ngong. E ngadong itau e eip ke Ida Tapolngon bitna kodong kesua ngadidi parangan ka limem apu yagos kodong. Ari alo ka ngadue langane osep pula tidong kap ngong kovok. Silang blang gute gesa vri kap ngong ka due ngus omba kovok.

Aposel 27:2

Deka imesep ke sip gesa ka armok Adramitium ina ka waiki la polou ke armok armok ka tidong ke provins Esia ina dingen batne e imosongon omur imala. Alo ari gute Aristarkus ka ila armok batne Tesalonaika ka dong ke provins Masedonia la kap imi.

Aposel 6:9

Ari osep leklou tipara pulu pelengon kap Stiven. Osep tonari isak osep ka tidong ke osep Yuda ina urok duningen ina ninu ka angaine osep Friman ina. Osep ane kap osep Sairini ina e osep Aleksandria ina e osep Silisia ina e osep Esia ina tipara pulu pelengon kap Stiven.

Aposel 7:2

Deka Stiven koli wai langane. “Sipmi e silivou umo-klingen lou pelengon ane. Oglou ari udo apa Abraham dong ke omur Meso-potemia e ari iye dau la ke omur Haran kovok. Deka Ida Tapolngon ka ila arit omba polou ke iye.

Pas ka Pol sogoe uti la ke osep Rom ina 16:5

E umawai “oklou itau” ke osep ka tiduni pulu ke urok ninu. Umawai “oklou itau” ke gute Epainetus. Ngong lana ngong ke iye lokono. Aitno dagar ke Krais mgo ke osep ka tidong ke omur Esia.

1 Korin 16:19

Yesus ila osep urok sios keniye ka tidong ke provins Esia tiwai “oklou itau” ke umu. Gute Akwila orwo esna Prisila tigosok Yesus ila osep ka tiduni pulu ke urok ninu tiwai “oklou itau” ke umu kesua Ida Puda dong.

2 Korin 1:8

Sipmi. Imawaiki umeile omur ke elio ka polou ka opru imi ke provins Esia. Elio omba polou ka opru imi e imakaranga ine kovok e aitno limi langka imemete ine.

2 Timoti 1:15

Emile omur osep ka pula keniye ka tidong ke provins Esia tisongon ngong kodong. E gute Figelus e gute Hermogenes tisongon ngong blang.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

Pelengon kukwopngon 1:11

Gute tonari wai langane. “Wan ka pula keniye ka amvati omsogoe ke pas e ampagei la ke sios lumorwo. Ampagei la ke sios ka dong ke armok Efesus e ke armok Smerna e ke armok Pergamum e ke armok Taiataira e ke armok Sardis e ke armok Filadelfia e ke armok Laodisia.”

Pelengon kukwopngon 1:4

E ngong Jon ngasogo pele-ngon ane uti ke umu ka pula keniye ka umodong ke sios lumorwo ka tidong ke provins Esia. Ida Tapolngon ka oglou iye dong kodong e eknikane iye dong e mase ma iye dong blang makai umu e due aitno lumu dong epen. E ano lumorwo ka dong ke Ida Tapolngon ila kova bitna timakai umu e tidue aitno lumu dong epen blang.