Aposel 2:10 - Aria New Testament

¹⁰ E imi leklou osep Frigia ina e osep Pamfilia ina e osep Isip ina e osep Libia ina ka imodong olwo boto ke armok Sairini e osep Rom ina. Imi ane osep Yuda ina e osep leklou ane isak tididi limem apu deka tipolou langka osep Yuda ina blang.

Aposel 2:10 Iomraidhean Croise

Matyu 2:15

E tidong ke omur Isip la lama Herot mete. Tidong ine ma gute napaprangan ina ila pelengon polou lokono. Iye wai langane. “Ngagi Erigu Arang ka dong ke omur Isip ma iye me.”

Matyu 23:15

Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umodue langan ke omur omur ke misuon e ke taklak ma umodue gute kene ka iye gute Yuda ina kovok ma iye nepir ke umu. E alo ka iye nepir ke umu iye due elio soulu ka mole elio soulu ka umodue e umodue ma iye la ke omur hel.”

Matyu 27:32

Alo ka osep ola ina dau tilila ke ekreng tipolou ke gute kene ka me ke omur Sairini ka angaine Saimon. E tipagei gute tonari ma iye kalke Yesus ina akai.

Mak 15:21

Osep ola ina tipaur Yesus la deka tipolou ke gute Saimon ka ila armok batne Sairini. Iye gute Aleksander e gute Rufus pmarak. Osep ola ina tonari tivati iye deka tipagei iye ma iye kalke Yesus ina akai la.

Aposel 11:20

E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 13:13

Mase Pol kap osep ka tigosok iye tikli sip e tisongon Pafos e isak kla ke armok Perga ka dong ke omur Pamfilia. E ari Jon songon isak deka iye bauluk la ke Jerusalem.

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 14:24

Pol orwo Barnabas tidue elio ane yagos deka tilila ke omur Pisidia deka tipolou ke omur Pamfilia.

Aposel 15:38

E Pol koli wai langane. “Aurou. Iye ma gosok ite itala kovok kesua oglou alo ka itoboko ke omur Pamfilia iye songon ite.”

Aposel 16:6

Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.

Aposel 17:21

Alo ari osep Atens ina gosok osep kaulei ka tidong ke armok tonari urok elio langane. Oklou pula tiduni pulu kesua tiwaiki tiklingen pelengon oku ina e tiwaiki tiwai pulu ine.

Aposel 18:2

E ari iye soson gute Yuda ina gesa ka angaine Akwila ka ila omur batne Pontus. E oglou tauni kovok iye gosok esna Prisila tisongon omur Itali e time tipolou ke Korin. Kesua gute Klodius ka vri mgo ke omur Rom wai dagar ma osep Yuda ina keniye tisongon armok Rom e isak kla tidong ke omur silang. E Pol la ke isak.

Aposel 18:23

Iye dong ke Antiok oklou leklou e mase songon armok e la lila ke omur Galesia e omur Frigia. E iye kar pelengon ke Yesus ila disaipel ka due aitno lisak dagar lokono ke Ida Tapolngon.

Aposel 2:11

E imi leklou osep Krit ina e osep Arebia ina. Imi ane ka limem omur pula imeklingen isak tiwai limem pelengon bitna bitna. Tiwai ke imi ke Ida Tapolngon ila elio arit ina bitna bitna.”

Aposel 23:11

Pol dong ke ninu tonari la lama epmes deka Ida Puda vri ke galna e wai ke iye langane. “Wom arit wom vala e emlim kovok. Eriar langka ampalongo osep ke ngong ke Jerusalem ane ma amla ampalongo langane ke Rom blang.”

Aposel 27:5

Imala ke sip e imobru misuon deka sip lelei misuon ina dingen batne ke provins Silisia e provins Pamfilia. Imala la lama imopolou ke armok Maira ka dong ke omur Lisia.

Aposel 28:15

Alo ka imi dau imopolou ke Rom kovok sipmi leklou ka isak osep Kristen ka tidong ine tiklingen ke limem langan. E tisongon armok e time e imososon isak leklou ke bilmu Apius e imososon isak leklou blang ke omur ka tisire Ninu Kaulei Eklu. Pol vati osep Kristen ka tipolou ke imi deka aitno neser e iye wai itau ke Ida Tapolngon ine e iye arit iye ine.

Aposel 6:5

Osep keniye tiklingen osep aposel urok pelengon deka aitno lisak itau ine. Deka tirere gute Stiven ka aitno dagar lokono ke Yesus e Ano Itau plau iye itau. E tirere Filip e Prokorus e Nikanor e Timon e Parmenas e Nikolas. Nikolas iye gute Grik ina ka ila armok batne Antiok ka oglou iye due osep Yuda ina inarak apu deka iye neklep ke isak.

Aposel 6:9

Ari osep leklou tipara pulu pelengon kap Stiven. Osep tonari isak osep ka tidong ke osep Yuda ina urok duningen ina ninu ka angaine osep Friman ina. Osep ane kap osep Sairini ina e osep Aleksandria ina e osep Silisia ina e osep Esia ina tipara pulu pelengon kap Stiven.

Pas ka Pol sogoe uti la ke osep Rom ina 1:15

Aitno lungong kro ke lou bokongon e ngapara ke alo ka nganapapra Ida Tapolngon ila pelengon itau lokono ke umu osep Rom ina.

Pas ka Pol sogoe uti la ke osep Rom ina 1:7

­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

2 Timoti 1:17

E alo ka iye me ke armok Rom iye krim ke ngong la lama iye pado ngong.

Pelengon kukwopngon 11:8

Timete deka pampamu lisak ma timunu ke ekreng ke armok omba ka Inarak Puda mete ke ina akai ine. E ke pelengon ano tisir armok tonari Sodom koke Isip.