Aposel 18:3 - Aria New Testament

³ Ari Pol la dong kap isak kesua isak tigosok Pol urok bokongon kene. Tiboko ke ninu molo ina langka oglou Pol boko ine. E ari tidong e tiboko ke ninu molo ina e tidue burong ke isak.

Aposel 18:3 Iomraidhean Croise

1 Korin 4:12

E imoboko engil lokono ke lipmi va e bokongon opru imi. Osep tiwai soulu ke imi e imepmi Ida Tapolngon ma iye kere isak. Tidue elio soulu ke imi e imawai ine kovok e imodong vala.

1 Korin 9:14

Deka langane. Ida Puda kar pelengon langane ke ite. “Osep ka tinapapra omon itau tikaranga tidue inarak ngangon e wan bitna bitna ke osep ka tinapapra omon ke isak.”

1 Korin 9:15

E ngakaranga ngadue elio langane. E dau ngadue kovok. E eknikane blang ngasogo pas ane ma ngadue wan ke umu kovok. Aurou. Ngawaiki ngamete paide lama ngadue langane. Lama osep tipi lou elio ka ngakaranga ngawai langane batne.

1 Korin 9:18

E ma ngadue klingen sua? Lou klingen langane. Wan ka ngakaranga ngadue ke lou bokongon ka nganapapra omon itau ane ngadue kovok. Ngaketir lokono ke elio ka nganapapra omon itau adai ke osep. E ketirngen ka ngadue ane langka lou klingen.

2 Korin 11:7

Alo ka nganapapra Ida Tapol-ngon ila omon itau ke umu io umekli ngong ine kovok. Ngapes ngong tona ma ngakaranga ngadue anit ke umu. Aitno lumu lange? Lou elio tonari elio soulu?

2 Korin 11:9

E silang blang alo ka ngadong kap umu e lou wan isuk boto vala ngapang ke umu kovok. Aurou. Sipmi ka time ke provins Masedonia tilua ngong ke wan bitna bitna. Oglou ngawaiki lou bokongon pes umu kovok e eknikane blang ngawaiki lou bokongon pes umu kovok.

2 Korin 12:13

Ngadue elio ke umu eriar langka elio ka ngadue ke sios leklou. E ngadue elio kene ka silang ke umu. Ngapang mani ke umu kovok kesua ngawaiki ngadue wan ka opru umu kovok. E langka lou elio tonari soulu ngawaiki umasak lou elio soulu.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

1 Tesalonaika 4:11

Umoboko engil ma aitno lumu dong epen e umotuk opmu pulu kap osep kovok. E aitno lumu mter ke lumu wan vala kovok. E aitno lumu mter ke osep leklou urok wan bitna bitna. Umoboko ma lumu wan bitna bitna tipolou langka oglou imawai ke umu ine.