Aposel 13:1 - Aria New Testament

¹ Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 13:1 Iomraidhean Croise

Matyu 27:32

Alo ka osep ola ina dau tilila ke ekreng tipolou ke gute kene ka me ke omur Sairini ka angaine Saimon. E tipagei gute tonari ma iye kalke Yesus ina akai.

Luk 3:1

Ke tobor songotno elme ina ke alo ka gute Sisar ka angaine Taiberius vri mgo ke osep Rom ina Pontius Pailat plau omur Judia e Herot plau omur emkil Galili. E ina aiver Filip plau omur emkil Ituria e Trakonitis e gute Lisanias plau omur emkil Abilene.

Aposel 11:30

Deka tipaur urok mani ke Barnabas orwo Sol. Deka isak orwo tipaure la ke osep plaungan ina ka aitno lisak dagar ke Yesus ka tidong ke omur Judia.

Aposel 12:25

Ari Barnabas e Sol tidue urok bokongon ke Jerusalem yagos deka tidue Jon ka angaine silang Mak e tibauluk ke Antiok blang.

Aposel 13:9

­Deka Ano Itau due Sol ka angaine silang Pol aitno deka bitna nekek dagar ke gute borou timla e wai ke iye langane.

Aposel 15:32

Deka Judas orwo Sailas ka isak osep napaprangan ina blang tikar pelengon itau pula ke osep ari ka lua isak e due aitno lisak tidong dagar lokono.

Aposel 15:35

Ari Pol orwo Barnabas dau tidong ke Antiok deka tigosok osep pula tiparere osep e tinapapra Ida Puda ila pelengon.

Aposel 19:6

E Pol limla duru kai isak e Ano Itau duru sep ke aitno lisak. Deka tiwai tokples bitna bitna ka oglou tile ine kovok e tiwai pelengon langka osep napaprangan ina.

Aposel 21:9

E titopmang belbela apanal tidong. Apmang apanal tonari tinapapra Ida Tapolngon ila pelengon langka osep napaprangan ina.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

Aposel 9:1

Alo ari Sol wai iye waiki due agegeng e due burwa ke osep ka aitno lisak dagar ke Ida Puda. Iye waiki due burwa ke Yesus ila disaipel. Deka iye la ke gute loulou ina ka mgo.

Pas ka Pol sogoe uti la ke osep Rom ina 16:21

Lou aten Timoti ka boko kap ngong wai “oklou itau” ke umu. E gute Lusius e gute Jeson e gute Sosipater ka lou osua isak tiwai “oklou itau” ke umu.

1 Korin 11:4

Langka gute gesa kading apna e wai itau ke Ida Tapolngon koke napapra ila pelengon are langka iye due markan ke Krais.

1 Korin 13:2

E langka ngakaranga nganapapra Ida Tapolngon ila pelengon e ngaile Ida Tapolngon ila pelengon ka kukwop e ngaile ilengen bitna bitna keniye blang. E langka aitno lungong ila dagar omba lokono ma ngakaranga ngadue gigri yari la ke omur silang. E dau ngong lana ngong ke osep kovok ngong langka wan adai vala.

1 Korin 13:8

Elio ka ite lana ite ke osep leklou karanga polou yagos kovok. E elio ka itanapapra Ida Tapolngon ila pelengon ma polou yagos. E tokples bitna bitna ma tipolou yagos blang. E osep urok ilengen bitna bitna ma polou yagos blang.

1 Korin 14:29

E ma osep orwo koke eklu tinapapra Ida Tapolngon ila pelengon ke osep pula. E osep leklou ma tiwade urok pelengon.

1 Korin 14:32

Osep ka tinapapra Ida Tapolngon ila pelengon ma tiplau isak e urok pelengon itau.

1 Korin 9:6

Lange? Imorwo Barnabas vala ma imoboko ke limem mani ma lua imorwo tona e osep leklou tiboko langane kovok?

Galesia 2:13

Osep Yuda ina blang ka isak osep Kristen tidue elio tonari kap iye. E urok elio tonari nak Barnabas aitno ma iye due elio langane blang.

Galesia 2:9

Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

Filipai 4:22

Deka Ida Tapolngon ila osep ka pula ka tidong ane tiwai “oklou itau” ke umu. E lokono osep ka tidue Sisar ila bokongon tiwaiki tiwai “oklou itau” ke umu blang.

1 Tesalonaika 5:20

E langka Ida Tapolngon kar pelengon ke osep deka umepli urok pelengon kovok.