Aposel 12:3 - Aria New Testament

³ Jems mete deka osep Yuda ina aitno lisak itau ine. Herot vati aitno lisak itau ine deka iye wai ke osep ola ina e tikis Pita dagar e tipaur iye la sep ke kalabus. Elio ane polou alo ka osep Yuda ina tidue inarak apu ka tingen bret ka yis dong ine kovok.

Aposel 12:3 Iomraidhean Croise

Matyu 26:17

Oklou mgongon ina ke rogo omba ka tingen bret ka yis dong ine kovok polou e Yesus ila disaipel time ke iye e tiwai langane. “Ma amwaiki imekere ngangon ke rogo omba ka lana ine la ke alo ka Ida Tapolngon lua osep Yuda ina tisongon omur Isip ke omur ge ma itangene?”

Jon 12:43

Tiwaiki osep tikakai angainsak e elio ane mole elio ka tiwaiki Ida Tapolngon kakai angainsak.

Jon 19:11

Deka Yesus koli wai ke iye langane. “Langka Ida Tapolngon kar arit ke wom kovok amkaranga omdue elio gesa ke ngong kovok. E ke batne langane gute ka kar ngong ke wom ila elio epmes ina omba e mole lem elio epmes ina.”

Jon 21:18

Deka Yesus wai ke Pita blang langane. “Ngawai lokono ke wom langane. Alo ka wom dau auram emtnei lem klos e emkere wom ma emdidi aitno lugom e emlila ke omur omur. E mase alo ka ompolou lapun ma amkakai livep e osep leklou ma titnei wom ke lem klos e timgo ke wom ke omur omur ka amwaiki amla ine kovok.”

Aposel 12:4

Osep ola ina tonari tidue Pita la ke kalabus kodong deka osep ola ina leklou blang tiplau iye. Osep ka tiplau Pita inarak sasa songotno lumakene. Osep apanal apanal tiplau iye aling kene e tilua pulu ke ina plaungan. Tiplau iye itau kesua Herot waiki alo ka osep Yuda ina inarak apu tonari yagos ma Pita polou ke osep pula amtarsak e ma osep ola ina timke iye ma iye mete.

Aposel 2:14

Pita ka dong kap osep aposel songotno kene klingen osep tonari urok pelengon deka iye vri ke osep amtarsak e napapra ke isak langane. “Umu ka osep Yuda ina e umu ka osep Jerusalem ina umoklingen lou pelengon ane. Deka ma umeile omur ke elio ane ina poloungon batne.

Aposel 20:6

E imodong ke Filipai la lama rogo ka osep Yuda ina tingen bret ka yis dong ine kovok mela yagos. Deka imesep ke sip e imosongon Filipai e imala la lama oklou elme mela yagos e imopolou ke osep ka tipara ke imi ke Troas. E imodong ke armok tonari oklou lumorwo.

Aposel 24:27

E alo ka tobor orwo mela yagos gute Porsius Festus kasip Feliks amune e due ila bokongon. E Feliks waiki osep Yuda ina aitno lisak itau ke iye deka iye due Pol dau dong ke kalabus.

Aposel 25:9

Festus klingen Pol ila pelengon e waiki lua osep Yuda ina kesua iye waiki aitno lisak itau ke iye. Deka iye pmi Pol langane. “Aitno lugom lange? Ma itetito itala ke Jerusalem ma ngawade wom ke sinngen elio ka osep Yuda ina tisin isak tivri ke wom ke armok are koke aurou?”

Aposel 4:13

Osep kaunsil ina tiklingen urok kolingen e aitno lisak mter tidue skul kovok. Deka tidigrik ine e tile omur isak orwo tiulou tarna lisak kovok. Deka aitno lisak mter oglou tidong kap Yesus.

Galesia 1:10

E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.

1 Tesalonaika 2:4

E Ida Tapolngon tok imi deka aitno itau ke imi e iye kar imi bokongon ka imanapapra omon itau ke umu. E aitno limi langka imanapapra omon itau ma imodue osep ma aitno lisak itau ke imi kovok. Aurou. Ida Tapolngon wade aitno limi e imawaiki ma aitno itau ke limem bokongon vala.