Aposel 10:4 - Aria New Testament

⁴ Kornilius klingen ensel tonari wai ke iye deka bitna nekek ke iye e ano nesik. Deka iye wai langane. “Ngau Puda omo ane batne lange?” Deka ensel koli wai langane. “Ngap Tapolngon bitna sisir lem elio ka oklou aling aling amwai itau ke iye e ke lem elio ka omtuk lem mani leklou e omlua osep ka urok wan isuk boto vala ine.

Aposel 10:4 Iomraidhean Croise

Matyu 26:13

Ngawai lokono ke umu langane. Ke omur omur ka osep tinapapra omon itau ke taklak ka pula keniye osep ma tiwai blang ke elio ka apmang ane due ke ngong ma osep amtarsak sisir iye.”

Luk 1:29

E Maria aitno kro ke ila pelengon e aitno mter ke ila pelengon batne.

Luk 24:5

E apmang tilim omba lokono e timanik e tidue bara lisak duru ke taklak. Tidue langane e osep orwo tiwai ke isak langane. “Ina lange umekrim gute ka ila mosongon dau dong ke iye airavu ke osep ka timete kodong?

Aposel 10:31

Iye polou ke omtongu deka iye wai ke ngong langane. ‘Kornilius oglou amwai itau ke Ngap Tapolngon. Iye klingen lem pele-ngon kodong e bitna sisir ke lem elio itau ka oglou omlua osep ka urok wan isuk boto vala.

Aposel 14:9

Iye dong e klingen Pol ila pelengon deka Pol bitna nekek dagar ke gute tonari. Deka iye ile omur gute aitno dagar ma iye karanga lua iye ma kamla polou itau.

Aposel 22:10

Deka ngawai langane. ‘Ngau Puda amwaiki ngadue sua?’ E iye wai langane. ‘Emtito emsep ke Damaskus deka ma gute silang palongo lem ke bokongon ka ngarere ke wom ma omdue.’

Aposel 3:4

Pita orwo Jon tiklingen gute pang mani ke isak deka amtarsak la ke iye e Pita wai ke iye langane. “Emtem me ke imorwo.”

Filipai 4:18

Deka langane. Gute Epafroditus kar ngong wan ka pula keniye ka umapagei ke ngong kodong. E wan tonari mole wan ka karanga ke ngong. Wan ka umapagei ke ngong iye langka wan ka osep tidue elio opmu ina ine deka ina amnangan itau tito la ke Ida Tapolngon e aitno itau lokono ine.

Filipai 4:6

Aitno lumu kro ke wan gesa kovok. Aurou. Aling aling umepmi Ida Tapolngon ke wan bitna bitna ka ma lua umu. E silang blang umawai tenkyu ke wan ka pula keniye ka iye due.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

Pelengon kukwopngon 8:4

E eiou asuine tonari ka ila amnangan itau kap Ida Tapolngon ila osep urok pmingen itau songon ensel limla e tito la ke Ida Tapolngon.