Aposel 1:8 - Aria New Testament

⁸ E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 1:8 Iomraidhean Croise

Matyu 24:14

E osep ma tinapapra omon itau ka la ke omur ka Ida Tapolngon plaue ke omur ka pula keniye ke taklak ma osep tikaranga tiklingen ine deka taklak ina yagosngon ma polou.”

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Mak 16:15

Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye.

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 10:19

Umoklingen. Ngakar lou arit ke umu ma umakaranga umelila e kopmu tipes mota soulu e tipes gitu e umomole upu oul Satan. E wan gesa karanga due asmel ke umu kovok.

Luk 24:29

E tiwai dagar ke iye langane. “Omdong kap imi kesua kirui kodong e isuk boto epmes polou.” E Yesus la dong kap isak.

Jon 15:27

E umu blang ma umapalongo osep ke ngong kesua umodong kap ngong alo ka nganogrum lou bokongon e lila me ke oku ane.”

Aposel 1:22

Ma iterere gute ka oglou iye dong kap ite ke alo ka Jon paunim Yesus lila me ke oklou ka iye tito la egim. Ma iterere gute kene ka vati Yesus ila bokongon batne la gurno. Deka ma iye lua ite ke udo bokongon. E ma itogosok itaparere osep pula ke elio ka Yesus mole metengen deka poga tito ke ina denga.”

Aposel 1:5

Oglou Jon me deka iye paunim osep ke aki. E eknikane dau tauni kovok ma Ano Itau duru me dong ke aitno lumu.”

Aposel 13:31

Iye poga tito deka ke oklou pula iye polou ke osep leklou ka oglou isak tigosok Yesus tisongon omur Galili deka isak kla ke Jerusalem. E oku ane itapalongo osep Israel ina ine.”

Aposel 2:32

Devit ila pelengon ane la ke gute Yesus. Oglou Yesus mete deka pampamu ine la munu ke ina denga. Deka Ida Tapolngon due poga tito ke ina denga e eknikane imavati iye blang.

Aposel 22:15

Ma omdong ila gute meriang ina e ampalongo osep ka pula keniye ke elio ka amvati e pelengon ka emklingen ine.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 4:33

Deka osep aposel urok pelengon ila arit omba. E tipalongo osep pula ke elio ka Ida Puda Yesus mole ina metengen deka poga tito ke ina denga. Alo ari Ida Tapolngon due elio itau ke isak.

Aposel 5:32

Imi ane e Ano Itau imapalongo osep ke elio tonari. Oglou imavati Yesus ila elio bitna bitna deka eknikane imapalongo osep ine. E eknikane Ano Itau ka Ida Tapolngon kar iye ke osep keniye ka tididi ila pelengon pa-longo osep ine blang.”

Aposel 6:8

Ari Ida Tapolngon ila makaingan dong ke Stiven e ila arit due. Deka Stiven due elio arit ina pula airavu ke osep.

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Pas ka Pol sogoe uti la ke osep Rom ina 10:18

E ngapmi umu langane. Osep ka aitno lisak dagar ke Ida Tapolngon ila pelengon kovok tile ine koke aurou? Osep tonari tile ine kodong eriar langka Ida Tapolngon ila pelengon wai ine. Ila pelengon wai langane. “Osep napaprangan ina urok pelengon la ke omur ka pula keniye. Omur gesa dong kovok ka urok pelengon polou ine kovok.”

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.