Aposel 1:2 - Aria New Testament

² Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 1:2 Iomraidhean Croise

Matyu 12:28

E alo ka ngadue Ida Tapolngon Ano Itau ila arit e ngasapir angelo soulu elio are nis umu omur ka Ida Tapolngon plaue polou ke umu kodong.

Matyu 3:16

Jon paunim Yesus yagos deka Yesus tito ke aki ina dingen batne e sirva noklok e Yesus vati Ida Tapolngon Ano Itau duru langka belis e munu ke iye.

Mak 6:30

Mase osep aposel ina ti-bauluk tiding ke Yesus blang. Deka tipolou ke bitna e tipalongo ila ke urok langan. Tipalongo ila ke elio bitna bitna ka tidue e ke pelengon ka tiparere osep ine.

Luk 24:51

Alo ka iye dau wai langane ke isak iye songon isak e tito la ke omur heven.

Luk 9:51

Taim ka Ida Tapolngon waiki due Yesus tito ke omur heven isuk boto polou deka aitno mter dagar ke elio ka iye la ke Jerusalem.

Jon 1:16

Makaingan pula lokono dong ke iye e aling aling iye due elio itau lokono ke ite ka pula keniye.

Jon 13:1

Rogo omba ka lana ine la ke alo ka Ida Tapolngon lua osep Yuda ina tisongon omur Isip polou dau kovok. E Yesus ile isuk boto ma iye songon taklak e la ke Timla. Iye lana iye ke ila osep ka tidong ke taklak e iye lana iye ke isak la lama alo ka iye mete.

Jon 13:18

“Ngawai ke umu keniye kovok kesua ngaile umu ka ngarere umu kodong. E elio ane polou ma Ida Tapolngon ila pelengon palma polou lokono. Pelengon tonari langane. ‘Gute ka ngen ngangon kap ngong pul dogur ke ngong e aitno soulu ke ngong.’

Jon 13:3

E Yesus ile Timla kar arit ke iye ma iye plau wan ka pula keniye e silang iye ile iye me ke Ida Tapolngon e ma iye iding ke Ida Tapolngon.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 17:13

E eknikane isuk boto ngauti ke wom. Ngawai lou pelengon ane alo ka ngong dau ngadong ke taklak ma elio ka aitno lungong neser ma due aitno lisak neser blang. E ma urok ketirngen bon ke aitno lisak.”

Jon 20:17

E Yesus wai ke iye blang langane. “Emkis ngong dagar kovok kesua ngatito ke Livou dau kovok. E amla e amwai ke sipmi ngawai langane. ‘Ma ngatito ke Livou e Pmomu blang. E iye Tapolngon ka ngalotuim iye e iye Tapolngon ka umolotuim iye blang.’”

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Jon 6:62

Deka aitno lumu lange langka umavati Gute Ka Polou Langka Osep tito la ke omur ka oglou iye dong ine?

Jon 6:70

Deka Yesus koli wai ke isak langane. “Ngong tona ngarere umu songotno orwo ma umodong lou disaipel e dau gute kene ke umu langka angelo soulu dong ke iye.”

Aposel 1:11

Deka osep orwo tonari tiwai ke isak langane. “Umu ka osep Galili ina ina lange omtomu dau tinekek dagar ke omur ka Yesus sepe? Eriar langka eknikane umavati Yesus tito la ke omur heven mase ma iye iding me blang.”

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.

Aposel 1:22

Ma iterere gute ka oglou iye dong kap ite ke alo ka Jon paunim Yesus lila me ke oklou ka iye tito la egim. Ma iterere gute kene ka vati Yesus ila bokongon batne la gurno. Deka ma iye lua ite ke udo bokongon. E ma itogosok itaparere osep pula ke elio ka Yesus mole metengen deka poga tito ke ina denga.”

Aposel 1:9

Yesus wai ila pelengon ke ila disaipel yagos deka Ida Tapolngon ila arit due Yesus tito la egim e ila disaipel tivati iye tito la sep ke gaup ka mana egim. Deka gaup tonari dim iye e tivati iye kovok.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Galesia 1:1

Ngong Pol ka aposel gesa. Osep tipagei ngong koke tidue ngong ma ngaboko ke osep aposel urok bokongon kovok. Aurou. Ngaboko langane kesua Ida Puda Yesus Krais kap Ida Tapolngon ka Pmada tirere ngong aposel. Ida Tapolngon tona iye gute ka due Krais mole ina denga.

Efesus 2:20

Deka itodong langka Ida Tapolngon ila ninu e osep aposel e osep napaprangan ina tidong langka opmu ka Ida Tapolngon ila ninu dong dagar ine. E Yesus iye tona opmu ka due Ida Tapolngon ila ninu nepir pulu e dong dagar lokono.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Hibru 9:24

E Krais mete ma iye sep ke ninu molo ina ka osep tiurie kovok. Ninu molo ina tonari nisngen ke Ida Tapolngon ila ninu ka dong ke omur heven. Krais mete e sep ke omur heven e dong ke Ida Tapolngon bitna e loulou ke ite.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.

2 Pita 3:2

E ngawaiki omtomu sisir pelengon ka oglou Ida Tapolngon ila osep napaprangan ina tiwai ine. E ngawaiki omtomu sisir pelengon dagar ka Ida Puda ka Ida Luangan kare ke ila osep aposel deka tiwai ine ke umu.

Pelengon kukwopngon 1:1

Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.

Pelengon kukwopngon 2:11

“Deka gute ka tala ma iye klingen pelengon ka Ano Itau wai ine ke sios. Langka gute mole elio soulu deka metengen orwo ina karanga due agegeng ke iye kovok.”

Pelengon kukwopngon 2:17

“Deka gute ka tala ma iye klingen pelengon ka Ano Itau wai ine ke sios. Gute ka mole elio soulu ma ngakar iye ngangon mana ka dong kukwop. E silang ma ngakar iye opmu ka okou ka ngasogo angaine oku ina ine. E gute silang karanga ile angaine tonari kovok. Gute ka due opmu vala ile ine.”

Pelengon kukwopngon 2:29

Deka gute ka tala ma iye klingen pelengon ka Ano Itau wai ine ke sios.”

Pelengon kukwopngon 2:7

“Deka gute ka tala ma iye klingen pelengon tonari ka Ano Itau wai ine ke sios. Gute ka mole elio soulu ma iye karanga due ngangon ke akai ka kar ite udo mosongon ka dong vala dong. Akai tonari dong ke Ida Tapolngon ila yage ka dong ke omur heven.”

Pelengon kukwopngon 21:14

E silang ke ari tonari opmu songotno orwo ka due ari dagar dong ine. E tisogo angaine kene ke Sipsip Otno ila aposel songotno orwo ke opmu kene kene.

Pelengon kukwopngon 3:13

Deka gute ka tala ma iye klingen pelengon ka Ano Itau wai ine ke sios.”

Pelengon kukwopngon 3:16

E aurou. Aitno lumu omba ke ngong kovok e umopul dogur ke ngong kovok. Umodong airavu vala. Deka aitno lungong itau ke lumu elio tonari kovok e ngapli umu.

Pelengon kukwopngon 3:22

Deka gute ka tala ma iye klingen pelengon ka Ano Itau wai ine ke sios.”