Philemoin 1:1 - Ann An Gàidhlig an Latha An-diugh 1986

¹ Tha Pòl, a tha na phrìosanach air sgàth Iosa Crìosd, agus ar bràthair Timòteus a' cur na litir seo gu ar co‑obraiche gràdhach Philèmon,

Am Bìoball Gàidhlig 1992

¹ Pòl, prìosanach Iosa Crìosd, agus Timòteus ar bràthair, a‑chum Philemoin as ionmhainn leinn, agus ar co‑shaothraiche,

Am Bìoball Iomraidh Gàidhlig 1880 1992

¹ Pòl, prìosanach Iosa Crìosd, agus Timòteus ar bràthair, a‑chum Philemoin as ionmhainn leinn, agus ar co‑shaothraiche,

An Tiomnadh Nuadh anns an Eadar-Theangachadh Ùr Gàidhlig 2017

¹ Pòl, prìosanach Chrìosd Ìosa, agus Timòteus, ar bràthair, Gu Philemon gràdhach 's ar co‑obraiche,

Tiomnadh Nuadh (MacEachen) 1875

¹ Pol, priosanach Iosa Criosta, us Timoti, brathair, gu Philemon gradhach agus ar co-oibriche,

Philemoin 1:1 Iomraidhean Croise

Ephèsianach 3:1

'S e sin an t‑adhbhar gu bheil mise Pòl, a tha nam phrìosanach air sgàth Iosa Crìosd, ag ùrnaigh air ur son-sa a rugadh nur Cinnich.

Ephèsianach 4:1

Mar sin tha mise a tha nam phrìosanach air sgàth an Tighearna ag iarraidh oirbh a bhith beò ann an dòigh a fhreagras air a' ghairm leis an do ghairm Dia sibh.

Ephèsianach 6:20

'S e fear-labhairt a th'annam as leth an t‑Soisgeil, ged a tha mi an dràsda sa phrìosan. Iarraibh air Dia nach bi eagal orm an Soisgeul a shearmonachadh mar bu chòir dhomh.

Philipianach 1:1

Tha mise, Pòl, agus Timòteus — seirbhisich Iosa Crìosd le chèile — a' cur na litir seo gu na creidmhich uile ann am Philipi a tha air an aonadh ri Iosa Crìosd, 's gun luchd-dreuchd a tha gan stiùireadh 's gan cuideachadh.

Philipianach 2:25

Tha mi dhen bheachd gum feum mi ar bràthair Epaphrodìtus, a bha ag obair còmhla rium 's a' cathachadh rim thaobh, a chur air ais thugaibh.

Philipianach 4:3

Agus tha mi ag iarraidh ortsa, mo cho-obraiche dìleas, gun cuidich thu leis na boireannaich sin, oir tha iad air a bhith a' strì còmhla rium ann an obair an t‑Soisgeil. Tha mi a' cuimhneachadh air Clemens cuideachd, agus air càch a bha a' saothrachadh còmhla rium. Tha an ainmean uile sgrìobhte ann an leabhar na beatha.

Colosianach 1:1

Tha mise, Pòl, abstol Iosa Crìosd a rèir toil Dhè, agus Timòteus ar bràthair a' cur na litir seo

Colosianach 4:11

Tha beannachdan a' tighinn thugaibh cuideachd bho Iosua ris an canar Iustus. 'S ann dha na h‑Iùdhaich a bhuineas an triùir aca. 'S iadsan a‑mhàin as an treubh sin a tha ag obair còmhla rium as leth rìoghachd Dhè, is thug iad cuideachadh mòr dhomh.

Philemoin 1:23

Tha Epaphras, a tha sa phrìosan còmhla rium air sgàth Iosa Crìosd, a' cur bheannachdan thugad,

Philemoin 1:24

agus cuideachd mo cho-obraichean Marcus, Aristarchus, Dèmas, agus Lùcas.

Philemoin 1:9

Ach air sgàth a' ghràidh a tha eadarainn, 's ann as fheàrr leam iarrtas a chur thugad. Tha mi a' dèanamh seo a dh'aindeoin 's gur mi Pòl, 's mi air tighinn gu aois, 's mi nise cuideachd nam phrìosanach air sgàth Iosa Crìosd.