Marcus 6:2 - Ann An Gàidhlig an Latha An-diugh 1986

² Nuair a thàinig an t‑Sàbaid thòisich e air teagasg anns an t‑sionagog. Ghabh mòran de na chuala e ioghnadh, 's thuirt iad, “Càite an d'fhuair esan na nithean seo, 's dè an seòrsa gliocais a thugadh dha, nuair a tha e a' dèanamh a leithid sin a mhìorbhailean le a làmhan fhèin?

Am Bìoball Gàidhlig 1992

² Agus nuair a thàinig an t‑sàbaid, thòisich e air teagasg anns an t‑sionagog: agus air do mhòran a chluinntinn, ghabh iad iongantas, ag ràdh, Cia as a tha na nithean seo aig an fhear seo? Agus ciod e an gliocas seo a thugadh dha, gu bheil a leithid seo de fheartan air an dèanamh le a làmhan?

Am Bìoball Iomraidh Gàidhlig 1880 1992

² Agus nuair a thàinig an t‑sàbaid, thòisich e air teagasg anns an t‑sionagog: agus air do mhòran a chluinntinn, ghabh iad iongantas, ag ràdh, Cia as a tha na nithean seo aig an fhear seo? Agus ciod e an gliocas seo a thugadh dha, gu bheil a leithid seo de fheartan air an dèanamh le a làmhan?

An Tiomnadh Nuadh anns an Eadar-Theangachadh Ùr Gàidhlig 2017

² Agus nuair a thàinig an t‑Sàbaid, thòisich e air teagasg san t‑sionagog, agus ghabh mòran iongnadh nuair a chuala iad e, ag ràdh, “Cò às a fhuair am fear seo na rudan seo? Dè an gliocas seo a chaidh a thoirt dha, 's gu bheil a leithid seo de dh'obraichean cumhachdach air an dèanamh le a làmhan?

Tiomnadh Nuadh (MacEachen) 1875

² Agus nuair thainig an t-sàbaid, thòisich e ri teagasg san t-sinagog; us ghabh moran a bha ga eisdeachd ioghnadh ri theagasg, a g-radh: Co as tha na nichean so uile aig an duine so? agus ciod e an gliocas a tha air a thoirt dha: ʼs na gniomhan cho euchdail, a thʼair an dianamh le lamhan?

Marcus 6:2 Iomraidhean Croise

Marcus 1:39

Chaidh e a‑mach air feadh Ghalile uile, a' searmonachadh sna sionagogan, 's a' tilgeil a‑mach dheamhan.

Marcus 10:1

Nuair a dh'fhalbh e ás a sin, thàinig e gu Iudèa air taobh thall Iòrdain. Chruinnich mòran dhaoine thuige 's thòisich e air an teagasg, mar a chleachd e.