Marcus 12:15 - Ann An Gàidhlig an Latha An-diugh 1986

¹⁵ Thuig esan cho cealgach 's a bha iad, 's thuirt e riu, “Carson a tha sibh gam fheuchainn? Thoiribh dhomh bonn airgid, gus an seall mi air.”

Am Bìoball Gàidhlig 1992

¹⁵ Ach air dhàsan an cealg a thuigsinn, thubhairt e riu, Carson a tha sibh gam bhuaireadh? Thugaibh pèighinn am ionnsaigh, a‑chum gum faic mi i.

Am Bìoball Iomraidh Gàidhlig 1880 1992

¹⁵ Ach air dhàsan an cealg a thuigsinn, thubhairt e riu, Carson a tha sibh gam bhuaireadh? Thugaibh pèighinn am ionnsaigh, a‑chum gum faic mi i.

An Tiomnadh Nuadh anns an Eadar-Theangachadh Ùr Gàidhlig 2017

¹⁵ Ach, a' tuigsinn an cuid cealgaireachd, thuirt e riutha, “Carson a tha sibh gam bhuaireadh? Thoiribh thugam bonn airgid agus leigibh leam coimhead air.”

Tiomnadh Nuadh (MacEachen) 1875

¹⁵ Thuig esan am foill, us thuirt e riu: Car-son tha sibh gam bhuaireadh? faraibh dhomh sgilinn gus am faic mi i.

Marcus 12:15 Iomraidhean Croise

Marcus 10:2

Thàinig Pharasaich far an robh e a chur ceist air, 's iad airson fheuchainn. “A bheil e laghail,” ars iadsan, “do dh'fhear-pòsda a bhean a chur bhuaithe?”

Marcus 12:14

Thàinig iad 's thuirt iad ris, “A Mhaighistir, tha fhios againn gu bheil thusa fìrinneach, 's nach eil taobh agad ri neach seach neach, oir chan eil suim agad do dh'inbhe duine, ach tha thu a' teagasg na fìrinn mu shlighe Dhè. A bheil e laghail, no nach eil, cìs a thoirt do Chèasar? Am pàigh sinn i, no nach pàigh?”

Marcus 12:16

Rinn iad sin. Thuirt Iosa riu, “Cò an dealbh agus cò an t‑ainm a tha seo?” “Cèasar,” ars iadsan.