Zefania 3:9 - Angami Naga CL (Re-edited) Bible (BSI)

⁹ Süki a themiako die chü kedipie kemesa die chüshütuo, sitse uko pete Jihova zau kielie sidi nou puo chü puo lie chülietuo.

Zefania 3:9 Iomraidhean Croise

Keriekitho 11:1

Siro kijü pete rei die puo mu pfhe puo zo.

Keriekitho 4:26

Seth rei puo nuo thepfu puo ngulie di puo za pie Enosh tholie. Ha mese kinu themiae Jihova za kie sedete.

Chieliko 113:3

Niaki kethu nunu kele ketso Jihova za tshe zhü.

Chieliko 22:27

Kijü kela nu ketuo pete-e rükralie di rürei Jihova kitsa vatuo; mu seyie nuolhou pete puo mhodzünu rüsuotuo.

Isaya 19:18

Sünhie Ijipt kijü nu Kananmia die pu mu krodiko Jihova kitsa thatuo üdi rüsekewa nadi pengou batuo. Hako donu nadi puo üse Niaki Nadiu üdi kietuo.

Isaya 57:19

Nouneu, nouneu bu kepecie nu mu kepenuo nu rei baliecie, Jihovae siya; siro a uko chü keshürhoshütuo.

Isaya 6:7

Sidi seraf-u süu se a me nyü di sie a ki; “Tsie hau n tie nyüwate, n kejo chüsete, mu n kephouma vashüwate,” sita.

Jeremia 16:19

He-i Jihova, a kekuo mu a dahouu, kemezhiekecü ki a keyau, kijü valako nunu seyieko n ki vor di sie; Hie puonuokoe mhapuorei welie mo derei kemeda, puoma kejü vie sügeinu mha kemevi kejü rübei welie.

Ezekiel 37:17

sidi sünie kemapie kethe puo chüwalie, sitse uko n dzie nunu puo chü parlietuo.

Habakuk 2:14

Derei dzüe dzükezha zepfü keba tuoi, Jihova mhasi vithedze kechüu thuo kijüu tshupfülietuo.

Zefania 2:11

Jihova kemerie chü di uko petsoutuo; puoe kijü nu terhuoko pekhe khriwatuo, tsiu uko puo ki nuketsutuo, u thuo u tha nunu, dzükezha khie thechü mu kijü rüchütsokemo seyie pete.

Zekaria 14:9

Siro Jihova thuo kijüu pete mho kedi chütatuo, sünhie Jihovae puo mu puo za rei puo chütatuo.

Zekaria 2:11

Sünhie seyie kekra u thuo vo Jihova zetatuo, sidi a themia chülietuo; mu a nieko donu lhou balietuo. Sitse niekoe krodiko Jihova thuo a ketsepie nieko ki shü ücü silietuo.

Mathi 12:35

Themia kevimiae puo kinyibou kevi nunu mha kevi hielashüya, mu themia kesuomia puo kinyibou kesuo nunu mha kesuo hielashüya.

Efesako 4:29

Die kesuo puorei bu nie tie nunu par hie, derei kerünyümia chü pevilieketuo die rübei pulie di pukezhü ki die kevi pu di mia bu u neiliecie.

Pesikeshü 11:15

Süsie teigeidielie thenieu puo tsüu khoushü, mu teigei nu mhapfhe kemerie chü di sie, “Cüsie kijü kedi kechü sü u Niepuu mu puo Khristau vie chüte, mu puo telhekechachie ditatuo,” ishü.