Zefania 3:8 - Angami Naga CL (Re-edited) Bible (BSI)

⁸ Süla a pfhe baliecie, Jihovae siya, a zhapu khashütuoü kesie teisozhau. Kekreilamonyü a pepikelieu sü, seyieko teshü kenguketuo, kedirüvieko pfhü kengukelie, süko gei a nou kerüpe, a nouyie kesier pete rushüketuou zo; a nouyie miu pie kijüu pete the pejüwatuo.

Zefania 3:8 Iomraidhean Croise

Chieliko 12:5

“Kejüko menyükewa la, ketsopfhüko meheimelo keba la, a tsie sietuo, uko khrukhrekecü mengu keba thechü nu A uko pie sünu shüshütuo,” Jihovae siya.

Chieliko 123:2

Harie, kituou mhi-e u niepumia dzie mehoyakezha tuoi, kituopfü mhi-e puo niepupfü dzie mehoyakezha tuoi, sütuoi hie mhi-e Jihova hie Kepenuopfü mehoya, puo hie ngumezhieshü kemochie.

Chieliko 27:14

Jihova merü balie, meteilie, mu n melou bu thepfulie, Jihova pfhe ba zolie!

Chieliko 37:34

Jihova pfhe balie, mu puo cha ze tuolie, sitse puo n bu kijüu welieketuo la n chü pezhashütuo, kerüzhüko dakewa ki no süu ngutuo.

Chieliko 37:7

Jihova geinu rüleilie, mu pfhe terüpfü balie; u cha nu kruolieyakezhau la n nou kemezhie hie, mha kesuo rhülie di chüyakezhau la rei.

Chieliko 62:1

A ruopfüe meümo di Ukepenuopfü rübei khremerü baya; puo kinu a kelakelie voryawe.

Chieliko 62:5

A ruopfü, no we kemekrie di Kepenuopfü rübei pfhe baya; a kemerü sü puo kinu zocü la.

Chieliko 79:5

Harie Jihova, kichiepuotieya mu? No kechachie n ro di mi ketu mhie n nou meyie ba zotuo me?

Chieliko 79:6

N nou kemeyieu rupie n si kemo seyieko, mu n za kieya kemo kediko gei shüwacie.

Mhasidie 20:22

“A mha kesuou mese chüshütuo,” idi pu hiecie; derei Jihova pfhe balie, sitse puo n khruohishütuo.

Solomon Üzo 8:6

A pie n melou nu zasi vükelie mhiekecü, n dzieco nu zasi vükelie mhieliecie; kekhrie-e kuopie kesia mhie zocü la; nouhüe repie mekhru kemhie zo; süu ketue mi mitu zo, puo miü re se.

Isaya 14:26

Kijü pete la rhülieketa mharhüu sü hau zo; mu seyie pete la yhase keba dzieu sü hau zo.

Isaya 30:18

Süla Jihovae nie gei tseiüvishütuo üdi pfhe ba; süla puoe sietatuo, ngukemezhie pie nie kieshütuo üdi. Jihova sü mezhükecü Kepenuopfü puo zocü la; puo khremerü keba pete thejakepfümia zo.

Isaya 34:2

Jihovae seyie pete gei puo nei mote, mu u rüpfhünuoko gei puo nou meyie phite; puoe uko pejowate, uko khapie dukhrikewa nu shüwate.

Isaya 63:6

A a nouyie nu themiako kede, a a noupfhü nu uko bienyiewa, mu a uko zie rupie kijüu gei shü.”

Jeremia 10:25

N noupfhü rupie n si kemo seyieko, tsiu n za kieya kemo themiako gei shücie; kekreilamonyü ukoe Jakob tecüliete, ukoe puo mezulie mu puo bie pejüwa, sidi puo kebachü chü perawatakecü la.

Hosea 12:6

Derei n la zo we, rürei n Kepenuopfü ki volie, kekhrie mu kethocau thezetsalie, sidi n Kepenuopfü pfhe merü sei baliecie.

Joel 3:2

a seyie pete kie kengulietuo sidi uko ze Jehoshafat razhau nu kerlietuo, sidi sünunu a uko ze dienya kecütuo, a themia mu a kayie Israel la, kekreilamonyü ukoe uko bu seyieko donu cüre tuoketa la. Ukoe a kijü kezawa.

Mika 7:7

Derei a la we, a Jihova meho zotuo, a kelakelie Kepenuopfü pfhe ba zotuo; a Kepenuopfü a pfhe rünyütuo.

Habakuk 2:3

Kekreilamonyü pethopie keba teiu la ziemho puo baluo, süu thela dze pu, mu medaya mo. Süu chü menuoketa mhie zorei, pfhe baliecie; süu vor tou zotuo, süu chü menuotalie lho.

Zefania 1:18

Jihova noupfhü zha nhie u rakachü morei u suna uko kelalie kenjütatuo; puo rhie kechü miu nunu kijü pete thewatuo; kekreilamonyü puoe kijü nu lhouketuo pete kemerie chü di puo thela chüwatuo.

Hagai 2:22

sidi kedibako chü kelhouwatuo; ae seyieko kediba kekuoko pekawatuo, sidi kierbagei mu süko gei tuoyakezhako chü kelhouwatuo; sidi kierko mu uko se ketuoko tetsutatuo, themia kehoupuorei u zemia zhiecha geinu tetsutatuo.

Mathi 25:32

siro seyie peteko puo mhodzünu kengu phretuo, süki puoe kuopfhemia puo temvüko donunu tekuoko kela kreiwayakezha tuoi puo themiako kho kekreiwatuo.

Pitor Kenieu 3:10

Derei Niepuu zhau we kerügumia mhiei vortuo, süki teiko puo pfhe kemerie chü di jütatuo, siro mhako the pezhawatuo, tsiu kijüu mu sügei mhathoko pete rei the pejüwatuo.

Pesikeshü 16:1

Süsie a rüsuokiu nunu mhapfhe puo meyie phi di teigeidielie thenieko ki, “Vo di Ukepenuopfü noupfhü khouko rupie kijüu gei shücie!” icü kepu si.

Pesikeshü 16:14

Sükoe ungomhatho chüyakezha terhuokesuoko ruopfüko zo, hakoe Kuokejokejü Ukepenuopfü teisozha kezha nhie puo ze terhükegeiketuo la kijü nu kediko pete pfhü kengutuoü prata.