Zefania 3:6 - Angami Naga CL (Re-edited) Bible (BSI)

⁶ A seyieko dathewate; uko dahouko ruozhüte; a uko chako chü kemethuowa, süla süko nu miapuorei tuoya mote; uko nadiko chü peruowate, themia tuo mo, miapuorei lhou tuo mote.

Zefania 3:6 Iomraidhean Croise

Isaya 14:26

Kijü pete la rhülieketa mharhüu sü hau zo; mu seyie pete la yhase keba dzieu sü hau zo.

Isaya 37:36

Sitse Jihova dielieu pra di Asiriako razhüchü nunu uko mia lakh puo di nyie hiethethaepengou dukhriwa; sidi teisolie tse, uko pete kesiamo zota.

Isaya 6:11

Sitse ae sie, “Kichiepuo ta, he-i Niepuu?” si. Sitse puoe sie; “Nadiko kaüjü vo themia lhou mota, mu kiko nu themia tuo mota, mu kijüu ruo tseita kemochie,

Jeremia 9:12

Supuonie mhasi di hau ca silie vi ba ga? Jihova tie puo ki pukeshü themiau supuo ba di süko pesishülie vi ba ga? Kiüdi kijüu pekawa mu chü kemethuo pie rayha tuoi, miapuorei bu süu pfüthe vo mota ga?

Levimiako 26:31

Tsiu a nie nadiko pekawatuo, siro nie kemesachüko themia jütatuo, mu a nie vie re kethenguko thengulie lho.

Zefania 2:5

He-i, dzükezha khie lhou kebako, nie Keret seyieko we ce, chülietie! Jihova die nieko petsouya. He-i Kanan, Filistinmia kijü; mu a n peka zo vo miapuorei bu lhou motatuo.

Zekaria 7:14

mu a khriewhi geinu uko keza kecürepie si kemo seyie pete nu shüwa. Hakemhie di uko khakewa kijüu razhüte, sidi miapuorei tuo kho mu ke mota, tsiu u kenei kijüu ruozhüte.

Mathi 23:38

Süla n kiu bu ruota di khapie n tsütuo.

Korintmiako Kerieu 10:11

Süko gei mha hako chüketa u bu u kireilieketuo la thakie puo zo, sizomonyü we puotei thelau nu kelhouko tarhoshüketuo la die süko thupie tuote.

Korintmiako Kerieu 10:6

Siro uko mha kesuo mehoumengukecü tuoi u bu si molieketuo la süko pie thakie chüshü zo.

Joshua 23:4

Mha hako rükraliecie, seyie keshako pie nie kayie vie chütuo üdi a thuo kezapie nie tsüwate, siro ae penyükelie seyieko sa di niathutsa Jordan nunu niakratsa Dzükezhatho-u ketso khashüwate.