Zefania 3:2 - Angami Naga CL (Re-edited) Bible (BSI)

² Puoe mia pfhe rünyüya mo; puo chü kemezhükeshü lieya mo. Puoe Jihova peleya mo; puoe puo Kepenuopfü penuo vorya mo.

Zefania 3:2 Iomraidhean Croise

Nehemia 9:26

“Sishierei uko n die ze mo, di n perhieta, sidi n zho-u kelhoupie u sietsa shüwa, tsiu n siedzekesimia, uko bu rürei n kitsatie vorlietuoü zhapu kechüko dukhriwa, mu uko themia thepesuo sekecü mhatho chüshü.

Chieliko 10:4

Kerüzhükoe kemiakokecü zieu nunu sie, “Jihovae pfhü se par lho;” uko kele pete rei, “Ukepenuopfü tuo mo;” iya.

Chieliko 50:17

Noe dieze mecüya, mu a dieko kelhoupie n sietsa shüwaya zo.

Chieliko 73:28

Derei a la we Ukepenuopfü penuokelie we vi; ae kerükrietho Jihova pie a keyau chüliete, a bu n mhatho peteko pu phreshülieketuo la.

Chieliko 78:22

Kekreilamonyü uko Ukepenuopfü pele kemo la, mu puo kelakelie kekuou pele moketa la.

Mhasidie 1:7

Jihova khrükepreie mhasi bode zo; sirei mhalekemomiae mhasidie tsiu kepethadie rütseya.

Mhasidie 5:12

sidi sie, “Kiüdi a kepetha die mecü mu a meloue ruokeshü die rütsete shi!

Isaya 1:5

Kiüdi nie vü sakecü pfhüya ga? Nieko kiüdi dieze nu lhou mvü ba zo mu? U tsü pete kekrü bate, mu u melou pete meziete.

Isaya 29:13

Jihovae sie: Themia hako u tie nu a penuo vorya, mu uko tiepie a rhuya, derei uko nou we a kinu pecie phi, mu uko a rüsuokecü sü pemo seketuo themia die kro puo zo.

Isaya 31:1

Kekhruohi la Ijipt nu ketsuko we ce, chülietie, mu kier pelekebako, kierbagei krakecü la tsiu kierkeseko kuo phi üdi pele kebako, derei Israel la Kemesau meho mo, morei sanyü kemoko we ce, chülietie!

Isaya 43:22

Sirei no we a kie mo, he-i Jakob; derei no we a mecüte, he-i Israel.

Isaya 9:12

Aramko niathutsa siro Filistinko niakratsa, mu uko mekuopie Israel mezulie. Sishierei puo nouyie rüdita mo; tsie rei puo dzie yhapie ba zo.

Jeremia 13:25

Hau n yau, a mejüpie n ketsü n yau, Jihovae siya, kekreilamonyü noe a rükra mo di ketijü peleketa la.

Jeremia 2:30

A n nuonuoko vü thedo chü; uko pethapfülie mvüte. N zhiecha thuo siedzekesiko cülie, losha mha tekecü tuoi.

Jeremia 22:21

No mhanyi keba ki a n rüchü, derei no sie, “A rünyülie lho,” ite. No n khriesa teiki nu, hai zo a pfhe ze mo.

Jeremia 32:33

Ukoe uko chie kereipie a tsü, sidi uko zie kereishü mo; ae tsiekenuo uko petha vor zo, sirei ukoe rünyü mvü mu chü kemezhükeshü lielie mo.

Jeremia 35:13

Jihova Israel Kepenuopfüe pucü: Vo di Juda themiako mu Jerusalem nu kelhouko ki pushülie, nieko pethakeshüu silie di a dieko zelie lhoü me? Jihovae siya.

Jeremia 35:17

Süla, Jihova krodiko Kepenuopfü, Israel Kepenuopfüe puya. Ae Juda mu Jerusalem nu lhou kebako pete petsou di kepeka pukeshü pete se uko gei vortuoüzhie, kekreilamonyü a uko ki pu zo sirei uko zelie mote, ae uko kie zo sirei uko a pfhekho mo.

Jeremia 5:3

He-i Jihova, n mhi-e ketho-u pfhüya mo üme? Noe uko vüshü, derei uko kemezhiekecü rei silie mo; noe uko pekawa, derei ukoe pethapfülie mvüte. Ukoe uko zie chü perepie tsiekhrü ki rei khrükuowate; sidi ukoe la vor mvüte.

Ezekiel 22:24

Themiau, puo ki pushülie: Noe mesalie kemo, noupfhü teisozha nhie teirü tsurlie kemo kijüuta zo.

Ezekiel 24:13

Sishierei a n kerhu kerütsekecü chü kemesawatuoü kesie ki, no n kerhuko nunu mesalie mote; a nouyie pie n gei shü kemochie, mhakipuorei no n kerhu nunu mesalie lho.

Zefania 1:6

Jihova siekemedzi nunu rüreiketako, Jihova pfhülie kemoko, morei puo sanyülie kemoko.

Timothi Kenieu 3:16

Kethodieko pete Ukepenuopfü kinu haphra par zo mu süu mia kepetha la, mia tahitarhoketuo la, mia chü kemezhüketuo la, tsiu mia ketshüpie kethotsa shülieketuo la zo,

Ibriko 10:22

süla we u nou ketho chü tsiu kepele se chüsechü di u pejoketuo noule chü kemesakewa mu dzü kemesapie khrüwaketa umo pfü di Ukepenuopfü penuo volie khe.