Zefania 3:11 - Angami Naga CL (Re-edited) Bible (BSI)

¹¹ Sünhie n pie thenga nu shülie lho, no a perhiekecü mhatho pete chüwa zorei, kekreilamonyü a sünhie n donunu kemiako di u neiketuoko chüwatatuo, sidi noe a kemesa kijüthou geinu kerüzhakecü chü sa motatuo.

Zefania 3:11 Iomraidhean Croise

Chieliko 131:1

Jihova, a kerüzhata mo, a mhi rei rükrieta mo; a mha a la zhathorkecü, mu a la rükriethorkecüko whuoya mo.

Chieliko 49:5

Kiüdi puotei kesuo ki a michieta ta? Kerüzhümia a kepechüko a houpfükelie ki,

Chieliko 59:12

Uko me nu kephouma mu uko tie nu dieko la, uko kemiakokecü nunu uko maliecie. Uko mia rüpfhürüse mu ketijü die kepu la.

Isaya 11:9

Ukoe a kemesa kijüthouu gei mha bie pesuo morei bie pekalie lho; dzüe dzükezhau tshupfü keba tuoi, Jihova mhasi thuo kijü ketshu chütaketuo la.

Isaya 2:12

Kemiako mu zhaketuo peteko, u pie pekho mu rükrie ketuo peteko petsouketuo la, krodiko Jihova teisozha puo ba;

Isaya 45:17

Derei Israel we Jihova thuo kechachie kelakelieu se puo kelalie; nie bu telhetephou ketso rei thenga chü, mu nie ziekejü chülie lho.

Isaya 5:15

Themia bu nuketsute, themia pete bie kerünuowate, mu kerüzhakecüko mhi bu tosielie mote.

Isaya 54:4

Michie hie, n bu mengatalie lhocü la; n chamezieta hie, n bu thengachütalie lhocü la; noe n khriesarüü ki ngau rükra motatie eru, mu sami teiki n thethau no rükra salie lho.

Isaya 56:7

A hako ze di a kemesa kijüthou gei votuo, sidi a kechaki nu uko bu uko neituo; uko kethe ruosuoko mu uko ruothoko a ruosuobau geinu lielietuo; kekreilamonyü themia pete la, a kiu pie kechaki üdi kietuo.

Isaya 61:7

Kekreilamonyü nie ngau de keniete, mu nie zhasekecüe nie yau üdi pesi, süla nie kijü za kenie pie nie vie chütuo, kechachie u neikecü pie nie yachütuo.

Jeremia 13:9

Jihovae puya: Hakemhie di ae kemelha tuoyakezha Juda tsiu kemelha setuoyakezha Jerusalem pekawatuo.

Jeremia 7:4

Nie kemeda die: “Haue Jihova rüsuokiu, Jihova rüsuokiu, Jihova rüsuokiu,” icüko peleta hie.

Ezekiel 20:40

Kekreilamonyü Niepuu Jihovae puya, a kemesa kijüthou gei, Israel kijüthou mezü gei, sünu Israel kiu pete, uko pete, kijüu nunu a lie chütuo; sünu a uko lielietuo, tsiu sünunu nie mha khakeshüko mu mha methuo khakeshü kevithoko nie kemesa vieko sa di a lietuo.

Ezekiel 24:21

Israel kiu ki pushücie, Niepuu Jihovae puya: A a kemesa kiu perhuwatuo, nie kekuo kemelha bayakecüu, nie mhi keneiu, siro nie melou menguu; mu nie nuo thepfu rei thenu rei nie lhiepie kebako zhiecha geinu tetsutatuo.

Daniel 9:16

He-i Jihova, n kemiatho ki ze mhachüshücie, n nei kemo mu n noupfhüu bu n kemesa nadi Jerusalem, n kemesa kijüthou geinu rüreitacie; kekreilamonyü hie kephoumako siro hie puonuoko kesuo kechüko la, Jerusalem tsiu n themiako bu hie zanuomiako mhodzünu thenga chüte.

Daniel 9:20

Siro a mha pu, mu kecha chü, tsiu a kephouma mu Israelko kephouma phra, siro a Kepenuopfü kemesa kijüthouu sou nu a nounyüko pie Jihova a Kepenuopfü ki shü ketha ki,

Mika 3:11

Sünu kezhako theso lie di capi chüya, puo zievoko puo zha lietuoü pethaya, puo siedzekesiko raka la die puya; sishierei uko Jihova ki pu di, “Jihova u ze ba ketho zo! mha kesuo puorei u gei vorlie lho,” siya.

Nuolhoutsüphrü 16:3

Ukoe kepekrolie di Mosa mu Aron unie petsouta, sidi unie ki, “Nnie keyiethorte! Mechükehou pete, mia puopuocü, mesa phre ba zo, mu Jihovae uko donu ba, süla nnie kiüdi Jihova mechükehouu ki zhakuoü bata ga?”

Mathi 3:9

Siro ‘Hie rei Abraham nuo zo’ ikecü putuoü le hiecie; kekreilamonyü a nieko ki pushütuo, Ukepenuopfü ketsie hako geinu Abraham nuonuo pelhoushülie vi zo.

Rommiako 2:17

Derei nie thuo nie üse Judamia üya mu thezho-u gei tha di Ukepenuopfü n ze keperokecü la kemholie,

Rommiako 9:33

Süu dze, “Harie, a mia phi kemesü tsie puo, mu mia perhekhrüwayakezha tsie puo pie Zion gei zhü ho, sirei themia kehoupuorei puo pelekelieu thenga chütalie lho,” idi thupie zhü.

Pitor Kerieu 2:6

Süu dze kethodie nu thupie ketuo: “Harie, a Zion gei ketsie puo khapie zhü, kedakelie mu puoma kere puoke nu tsieu; kehoupuorei puo pelekelieu thenga chütalie lho.”