Zefania 2:9 - Angami Naga CL (Re-edited) Bible (BSI)

⁹ Süla, a rhei ketuo tuoi, Krodiko Jihova, Israelko Kepenuopfüe puya, Moab-e Sodom mhietatuo, mu Ammonmia Gomora mhietatuo, zozie mu kezie dzükhou zepfütatuo, sidi kechachie razhütatuo. A themia lhiepie kebakoe süko pekawatuo, tsiu a seyie rhei kebakoe uko pevielietuo.

Zefania 2:9 Iomraidhean Croise

Isaya 11:14

Derei unie thutsu niakratsa Filistin boukako vatuo, di unie keze niathutsa themiako pekatuo. Unie unie dzie pie Edom mu Moab petsoutuo, siro Ammonmiako unie die zetuo.

Isaya 25:10

Jihova dzieu kijüthou hau gei balietuokecü la. Rügu kedepie thubuobou nu shükewa mhiei, Moab kedepie puo chü nu shüwatuo.

Isaya 49:18

Tosie lutsahatsa mehoshücie; uko pete kengulie, uko n ki vorzhie. Jihovae pucü, a rhei ketuo tuoi, no uko pie rütsonyie kemhiei di setuo, yasapfü tuoi no uko pie n gei shütuo.

Jeremia 46:18

Kediu sie, a rhei ketuo tuoi, puo zae krodiko Jihova, kijüthouko donu Tabor tuoi, tsiu dzükezha khie Karmel tuoi, sikecü puo vorzhie.

Jeremia 48:1

Moab dze pukeshü. Krodiko Jihova, Israel Kepenuopfüe puya: Nebo we ce, chülietie, puoe methuo zhüte! Kiriathaim pie thenga chüwate, süu lieliete; dahouko pie thenga chüwate mu bierhuowate;

Jeremia 49:1

Ammonmia dze pukeshü. Jihovae puya: Israel-e puo nuo thepfumia jü me? Puoe puo kayiemia jü me? Kiüdi Milkom-e Gad penyü se bata ga? mu puo themiako puo rünako nu lhou bata ga?

Jeremia 49:18

Sodom mu Gomora siro uko zanuomiako penyükewa mhiei, Jihovae puya, sütuoi miapuorei sünu balie lho, morei themia puorei sünu lhou lho.

Jeremia 49:33

Hazor pie meseru bou chüwatuo, kechachie methuotatuo; miapuorei sünu lhou lho, morei miapuorei sünu tuo motatuo.

Jeremia 50:40

Ukepenuopfüe Sodom mu Gomora siro unie zanuoko pekakewa tuoiwatuo, Jihovae siya, süla themia puorei sünu lhoulie lho, morei miapuorei sünu phetshe sa lho.

Amos 1:13

Jihovae puya: Ammonmia kejokemou se la, tsiu dia la, a siazhako rhüwalie lho; kekreilamonyü ukoe u rieko bie kemeyatuo üdi Gilid nu thenupfümia phoupiemo ketuoko va rhiephawa.

Amos 2:1

Jihovae puya: Moab kejokemou se la, tsiu dia la, a siazha khakeshüko rhüwalie lho; kekreilamonyü puoe Edom kediu ruko thepie mige chükewa la.

Zefania 2:14

Khunuo kro sünu zhütuo, nhachü kehoupuorei; kijükesia puchüü tsiu khruleinuopfü vo kiprü gei rüsetuo; vükhruo khirki nunu ruoshütuo, shüzha kezhapfü kifükhro nu ruotuo, sünu sedar seithoko methuo zhüketa la.

Zefania 2:7

Dzükezha khie kijükoe Juda kiu lhiepie kebako vie chütatuo, sünunu uko nhaliecütuo, mu uko thevatie Ashkelon kiko nu zhütuo. Kekreilamonyü Jihova uko Kepenuopfü uko rükralietuo sidi uko miadie chü ketuo nunu ze la vorshütuo.

Zefania 3:13

Lhiekelie Israelko, uko mha kesuo chü lho mu kemeda pu lho, morei kecürü meüu uko me nunu ngulie lho, ukoe nhaliecü mu ke zhü ituo rei, miapuorei uko chüpie uko bu michietalie lho.

Zekaria 2:13

Themia pete, Jihova mhodzü kemekrietalie; kekreilamonyü puoe puo kemesa tha nunu sietakecü la.

Nuolhoutsüphrü 14:21

derei a rheituoya kethocü mhie, Jihova zayieu bu kijü pete tshulietuo.

Rommiako 14:11

Süu thupie kezhü: “A rhei ketuo tuoi, khoudza pete a mhodzünu khoutou phretuo, mu meü pete Kepenuopfü tshe phretuo,” Niepuue siya.

Pulakeshüzho 29:22

Thephou kesau, nie sie sierketuo nie nuonuoko, mu kepecie nunu kevor chazoumiako, kijü hau gei thesa kesuo vorketa mu Jihova kechü pie puo pechüketako ngutuo.

Pulakeshüzho 29:23

Jihovae puo nouyieu nunu Sodom mu Gomora siro Adma mu Zeboim sa pekakeshü tuoi, sulfur tsiu metsie bu thekewa kijü tuoi di tsia pie lie nu shü mota, mhapuorei puosi vü mota, nha rei lhou mokecü chükeshü tuoi.